September 2011

ab ke ham bichhDe to shaayad kabhi Khvaabon men milen

ab ke ham bichhDe to shaayad kabhi Khaabon men milen
jis tarah suukhe hue phuul kitaabon men milen

DhuuNDh ujaDe hue logon men vafaa ke motii
ye Khazaane tujhe mumkin hai Kharaabon men milen

tuu Khudaa hai na meraa ishq farishton jaisaa
donon insaaN hain to kyon itane hijaabon men milen

Gam-e-duniyaa bhii Gam-e-yaar men shaamil kar lo
nashaa baDataa hai sharaben jo sharaabon men milen

aaj ham daar pe khenche gaye jin baaton par
kyaa ajab kal vo zamaane ko nisaabon men milen

ab ke rut badali to Khushbuu kaa safar dekhegaa kaun

ab ke rut badalii to Khushbuu kaa safar dekhegaa kaun
zaKhm phuulon kii tarah mahakenge par dekhegaa kaun

dekhanaa sab raqs-e-bismal men magan ho jaayenge
jis taraf se tiir aayegaa udhar dekhegaa kaun

vo havas ho yaa vafaa ho baat maharuumii kii hai
log to phal-phuul dekhenge shajar dekhegaa kaun

ham chiraaG-e-shab hii jab Thahare to phir kyaa sochanaa
raat thii kis kaa muqaddar aur sahar dekhegaa kaun

aa fasiil-e-shahar se dekhen Ganiim-e-shahar ko
shahar jalataa ho to tujh ko baam par dekhegaa kaun

Ankhoon Main Raha Dil Main Utar Kar Nahin Dekha

Ankhoon Main Raha Dil Main Utar Kar Nahin Dekha.
Kashti K Musafir Nay Samandar Nahin Dekha.

Bay Waqt Agar Jaoonga Sab Chonk Pare Ge.
Ek Umar Huyee Din Main Kabhi Ghar Nahin Dekha

Jis Din Se Chala Hoon Meri Manzil Par Nazar Hai.
Ankhoon Ne Kabhi Mail Ka Patther Nahin Dekha...

Ye Phool Mujhe Koi Virasaat Main Mile Hain.
Tumne Mera Kantoon Bhara Bister Nahin Dekha.

Yaaroon Ki Mohabbat Ka Yakin Karliya Maine.
Pholoon Main Chupaya Hua Khanjar Nahin Dekha.

Her kissi ko aas main rekhne ki aadat uss ko thi

Her kissi ko aas main rekhne ki aadat uss ko thi
werna kyon matloob ghairon ki rafaaqat uss ko thi

kaise ker leta gawara woh meri sansoon ki aanch
in dinon khud apnay saaye se bhi wehshet uss ko thi

hijr ki ik aazmaish se guzer jane ke badh
sari duniya se judai ki shikayat uss ko thi

fasailay ka haq usse hasil tha uss ne ker liya
mujh se kab derkaar koi bhi vazaahet uss ko thi

ik khilona torne ke wastay derkaar tha
ab main samjha kis liye meri zarorat uss ko thi

Maaon ne tere naam pe bachon ka naam rakh diya

Usne sukoot-e-shab mein bhi apna payaam rakh diya
Hijr ki raat baam per maah-e-tamaam rakh diya

Aamad-e-dost ki naveed koo-e-wafa mein garm thi
Meine bhi ik charagh sa dil sar-e-shaam rakh diya

Shiddat-e-tishnagi mein bhi ghairat-e-maikashi rahi
Usne jo phair li nazar meine bhi jaam rakh di

Usne nazar nazar mein he aisay bhalay sukhan kahey
Meine to uske paaon mein saara kalaam rakh diya

Dekho woh merey khwaab thay dekho yeh mere zakhm hain
Meine to sab hisaab-e-jaan barsar-e-aam rakh diya

Pal bhar mein tamam umer ki sochein badal jati hain

Pal bhar mein tamam umer ki sochein badal jati hain
jin rahon per chaltey hain wohi, rahein badal jati hain

karney ko kia nahi kartey log muhabbat mein
sirf hamarey liye hi kyun? rasmein badal jati hain

woh aisa hai k us ka naam sunney k tasawwur say hi
hamari tamaam tar sAatein badal jati hain

sochti hoon jane kaise? kah paoon ghi main us say
milti hoon to dil ki sari batein badal jati hain

chahe "Manzil" "Dushwar" ho aur "Duur" bhi
humsafer us jaisa ho to musaftein badal jati hain

tUjhay IShQ ho0 KHUDA KAray

tUjhay IShQ ho0 KHUDA KAray
kOi tUjh kO uS Say JuDa Karay

Teray hont hasna Bhool Jayen
Teri AnKh Pur nam Raha KAray.

Tu uski Baatain Kiya Karay
Tu Uski Batain Suna Karay

Usay dekh kay tu Ro Paray
Woh Nazar Jhuka Kay Chala Karay

Tujhay Hijir ki woh Jhari Lagay
Tu Milnay Ki har Pal dua Karay

Teray Khwuab bikrain toot Kar
Tu Kirchi KirChi Chuna Karay

Tu nagar nagar phira Karay
Tu GAli Gali sadaa Karay

tujhay IshQ ho Phir yaqeen ho
Usay TAsbihon Main Parha Karay

umr jalwoo main basar ho ye zaroori to nahi

umr jalwoo main basar ho ye zaroori to nahi
har shab-e-Gam ki sahar ho ye zaroori to nahi

chashm-e-saaqi se pio ya lab-e-saghar se pio
beKhudi aatho peher ho ye zaroori to nahi

neend to dard k bister pay bhi aasakti hai
unki aaghosh main sar ho ye zaroori to nahi

shaikh karta to hai Masjid main Kkhuda ko Sajdah
uskay Sajdoo main asar ho ye zaroori to nahi

sab ki nazroo main ho saaqi ye zaroori hai magar
sab pay saqi ki nazar ho ye zaroori to nahi

Us ka tow her andaaz nirala sa lagay hai

Us ka tow her andaaz nirala sa lagay hai
Qatil hai mera aur masiha sa lagay hai

Wo jis se koi khas taaruf bhi nahi hai
jub bhi nazer aajaye hai apna sa lagay hai

hum us ke bina jaise mukammal hee nahi ?
jo kaam bhi kertay hain adhura sa lagay hai

mein us ki her aik baat ko kis terha na manoon
wo jhoot bhi bolay hai tow sachcha sa lagay hai

aik umr hui tootay huay dil ko hamare
ye zakhm mager aaj bhi kal ka sa lagay hai

itni si khata per keh tera naam liya tha
her shaks mere khoon ka piyasa sa lagay hai