December 2011

Baaton baaton main bicharnay ka ishaarah ker ke

Baaton baaton main bicharnay ka ishaarah ker ke
Khud bhi wo roya bohat hum se kinaarah ker ke

Sochta rehta hun tanhai main anjaam-e-khaloos
Phir usi jurm-e-mohabbat ko dobaarah ker ke

Jagmaga di hain tere shehar ki galiyan main ne
Apnay her ik ashq ko palkon pe sitarah ker ke

Daikh laitay hain chalo hosla apnay dil ka
Aor kuch roaz teray saath guzaarah ker ke

dayaar-e-dil ki raat me.n chiraaG saa jalaa gayaa

dayaar-e-dil ki raat me.n chiraaG saa jalaa gayaa
milaa nahi.n to kyaa huaa vo shakl to dikhaa gayaa

judaaio.n ke zaKhm dard-e-zindagi ne bhar diye
tujhe bhi nind aa gai mujhe bhi sabr aa gayaa

ye subah ki safediyaa.N ye dopahar ki zardiyaa.N
ab aaine me.n deKhtaa huu.N mai.n kahaa.N chalaa gayaa

pukarti hai.n fursate.n kahaa.N gai vo sohbate.n
zami.n nigal gai unhe.n yaa aasamaan khaa gayaa

vo dosti to Khair ab nasib-e-dushmanaa.N hui
vo chhoTi chhoTi ranjisho.n kaa lutf bhi chalaa gayaa

Duniya jise kehte hain jadu ka khilona hain

Duniya jise kehte hain jadu ka khilona hain
Mil jaaye to mitti hain kho jaaye to sona hain

Achha sa koi mausam tanha sa koi aalam
Har waqt ka rona to Bekar ka rona hain

Barsaat ka baadal deewana hain kya jaane
Kis raah se bachna hain Kis chhat ko bhigona hain

Gam ho ki khushi dono kuchh der ke saathi hain
Phir rasta hi rasta hain hasna hain na rona hain

Nida Fazli

Duniyaa hamaari Gham ki basaa kar chale gaye

Misl-e-Khayaal aaye the aa kar chale gaye
Duniyaa hamaari Gham ki basaa kar chale gaye

Phoolo.n ki aas dil se lagaaye hue the ham
Kaante vo raste me.n bichhaa kar chale gaye

Aayi na thi hamaare chaman me.n bahaar abhi
Wo Khaab aashiyaa.N me.n lagaa kar chale gaye

Bhuule se bhi kabhi na dil ham bhulaa sake
Dil se hame.n vo apane bhulaa kar chale gaye

Fani Badayuni

Hosh waalo.n ko Khabar kyaa beKhudi kyaa chiz hai

Hosh waalo.n ko Khabar kyaa beKhudi kyaa chiz hai

Ishq kije phir samajhiye zindagi kyaa chiz hai

 

Un se nazare.n kyaa mili raushan fizaaye.n ho gai.n

Aaj jaanaa pyaar ki jaaduugari kyaa chiz hai

 

Khulti zulfo.n ne sikhaai mausamo.n ko shaayari

Jhukti aa.Nkho.n ne bataaya maikashi kyaa chiz hai

 

Ham labo.n se kah na paaye un se haal-e-dil kabhi

Aur vo samajhe nahi.n ye Khaamoshi kyaa chiz hai

Nida Fazli

jis ko chaahaa use apna na sake jo mila us se muhabbat na hui

kuchh tabiyat hi mili thi aisi chain se  jine ki suurat na hui
jis ko chaahaa use apna na sake jo mila us se muhabbat na hui

jis se jab tak mile dil hi se mile dil jo badla to fasana badlaa
rasme duniya ki nibhane ke liye hamse rishto.n ki tijaarat na hui

door se tha vo kai cheharo.n me.n paas se koi bhi vaisa na lagaa
bevafaai bhi usi ka thaa chalan phir kisi se hi shikaayat na hui

vaqt rooThaa rahaa bachche ki tarah raah me.n koi khilaunaa na milaa
dosti bhi to nibhaai na gai dushmani me.n bhi adaavat na hui

justaju khoye huon ki umr bhar karte rahe

justaju khoye huon ki umr bhar karte rahe
chaaNd ke ham_raah ham har shab safar karte rahe

raaston kaa ilm thaa ham ko na simton ki Khabar
shahar-e-naamaalum ki chaahat magar karte rahe

ham ne Khud se bhi chhupayaa aur saare shahar se
tere jaane ki Khabar dar-o-divaar karte rahe

vo na aayegaa hamen maalum thaa us shaam bhi
intazaar us ka magar kuchh soch kar karte rahe

aaj aayaa hai hamen bhii un uDaanon kaa Khayaal
jin ko tere zaum men be-baal-o-par karate rahe

Perveen Shakir

kabhi yuN bhi aa meri aaNkh men ke meri nazar ko Khabar na ho

kabhi yuN bhi aa meri aaNkh men ke meri nazar ko Khabar na ho
mujhe ek raat navaaz de magar uske baad sahar na ho

vo baDaa rahim-o-karim hai mujhe ye sifat bhi ataa kare
tujhe bhulne ki duaa karu.N to duaa me.n meri asar na ho

mere baazuo.n me.n thaki thaki, abhi mahv-e-Khaab hai chaaNdani
na uThe sitaaron ki paalki, abhi aahaTon kaa guzar na ho

ye Gazal ki jaise hiran ki aaNkhon me.n pichhli raat ki chaa.Ndani
na bujhe Kharaabe kii roshani, kabhi becharaaG ye ghar na ho

Kisi rote hue bachche ko ha.Nsaya jaaye

Apna Gham leke kahi.n aur na jaayaa jaaye
Ghar me.n bikhri hui chizo.n ko sajaya jaaye

Jin chiraGo.n ko havaao.n kaa koi Khauf nahi.n
Un chiraGo.n ko havaao.n se bachaya jaaye

Baag me.n jane ke aadaab huaa karte hai.n
Kisi titali ko na phoolo.n se uDaya jaaye

Khudkushi karne ki himmat nahi.n hoti sab me.n
Aur kuchh din yuu.N hi auro.n ko sataya jaaye

Ghar se masjid hai bahut door chalo yuu.N kar le.n
Kisi rote hue bachche ko ha.Nsaya jaaye

Nida Fazli

Pareshan rat sari hai sitaro tum to so jao

Pareshan rat sari hai sitaro tum to so jao
Sukut-e-marg tari hai sitaro tum to so jao

Hanson aur hanste-hanste dubte jao khalaon mein
Hamein ye rat bhari hai sitaro tum to so jao

Tumhen kya aj bhi koi agar milne nahin aya
Ye bazi ham ne hari hai sitaro tum to so jao

Kahe jate ho ro-ro k hamara hal duniya se
Ye kaisi razdari hai sitaro tum to so ja

Hamein to aj ki shab pau phate tak jagna hoga
Yahi qismat hamari hai sitaro tum to so jao

Phir Dilon Ko Yaad Aa Jaye Ga Paigham-e-Sujood

Aasman Ho Ga Sehar Ke Noor Se Aaeena Posh
Aur Zulmat Raat Ki Seemab Pa Ho Jaye Gi

Iss Qadar Ho Gi Tarannum Aafreen Baad-e-Bahar
Nukhat-e-Khawabeeda Ghunche Ki Nawa Ho Jaye Gi

Aa Milain Ge Seena Chakaan-e-Chaman Se Seena Chaak
Bazm-e-Gul Ki Hum-Nafas Baad-e-Saba Ho Jaye Gi

Shabnam Afshani Meri Paida Kare Gi Souz-o-Saaz
Iss Chamanki Har Kali Dard Ashna Ho Jaye Gi

Dekh Lo Ge Sitwat-e-Raftar-e-Darya Ka Ma’al
Mouj-e-Muztar  Hi Isse Zanjeer Pa Ho Jaye Gi

zindagi naam hai mar mar ke jiye jane ka

ek muamma hai, samjhne ka na samjhaane ka
zindagi kahe ko, khawab hai dewaane ka...

zindagi bhi to pashemaa hai, yahan la ke mujhko
dhundati hai koi heela, mere mar jane ka...

tune dekha hai kabhi ghar ko badalte hue rang,
aao! dekho na tamasha mere gamkhane ka...

ab is daar pe leja ke sula de SAKI
yun behakna nahi achcha tere diwane ka...

dil se pahunchi to hai ankhon me lahu ki boonde
silsila milta to hai sheshe se paimaane ka....