January 2013

Aey mere hamnasheen, chal kahin aur chal

Aey mere hamnasheen, chal kahin aur chal
Is chaman mein ab apna guzara nahi

Baat hoti gulon tak to seh lete ham
Ab to kaanto pe bhi haq hamara nahi

Di sada daar par aur kabhi toor par
Kis jagah maine tumko pukara nahi

Thokren yun khilane se kya fayda
Saaf keh do ke milna gawara nahi

Aaj aaye ho tum kal chale jaoge
Ye mohabbat ko apni gawara nahi

Umar bhar ka sahara bano toh bano
Do ghadi ka sahara, sahara nahi

Gulistan ko lahu ki zaroorat padi
Sabse pehle hi gardan hamari kati

bhule to yun k goya kabhi ashna na the

sach hain hamin ko ap k shikwe baja na the
beshak sitam janab k sab dostana the

han jo jafa bhi ap ne ki qayede se ki
han ham hi kaarband-e-usul-e-wafa na the

aye to yun to k jaise hamesha k meharban
bhule to yun k goya kabhi ashna na the

kyon dad-e-gam ham ne talab ki, bura kiya
ham se jahan main kushta-e-gam aur kya na the

gar fikr-e-zakhm ki to khatawar hain k ham
kyon mahw-e-madh-e-khubi-e-teg-e-ada na the

har charagar ko charagari se gurez tha
warna hamain jo dukh the bahut ladawa na the

Lab-e Khaamosh se afshaa hogaa

Lab-e Khaamosh se afshaa hogaa
Raaz har rang mein rusvaa hogaa

Dil ke saharaa mein chalii sard havaa
Abr gulzaar pe barasaa hogaa

Tum nahin the to sar-e-baam-e-Khayaal
Yaad kaa koi sitaaraa hogaa

Kis tavaqqo pe kisii ko dekhe.n
Koi tum se bhi hasin kyaa hogaa

Ziinat-e-halqaa-e-aaGosh bano
Duur baiThoge to charchaa hogaa

Zulmat-e-shab mein bhii sharmaate ho
Dard chamakegaa to phir kyaa hogaa

Jis bhii fankaar kaa shaahakaar ho tum
Us ne sadiyon tumhien sochaa hogaa

MANZIL NA DE CHIRAGH NA DE HONSLA TO DE

MANZIL NA DE CHIRAGH NA DE HONSLA TO DE
TINKE KA HI SAHI TO MAGAR AASRA TO DE

MEINE YEH KAB KAHA KE MERE HAQ MEIN HO JAWAB
LEKIN KHAMOSH KIUN HAI TU KOI FAISLA TO DE

BARSON MEIN TERE NAAM PE KHATA RAHA FAREB
MERE KHUDA KAHAN HAI TU APNA PATA TO DE

BESHAK MERE NASEEB PE RAKH APNA EKHTIYAR
LEKIN MERE NASEEB MEIN KYA HAI BATA TO DE

MANZIL NA DE CHIRAGH NA DE HONSLA TO DE
TINKE KA HI SAHI TO MAGAR AASRA TO DE

Shaam-e-Gham Jab Bikhar Gai Hogi

Shaam-e-Gham Jab Bikhar Gai Hogi
Janey Kis Kis Ke Ghar Gai Hogi

Dair Tak Woh Khafa Raha Mujh Se
Door Tak Ye Khaber Gai Hogi

Jis Taraf Woh Safer Pe Nikla Tha
Saari Rounaq Udher Hi Gai Hogi

Ye Taalluq Na Nibh Saka Us Se
Ya Tabiyat Hi Bhar Gai Hogi

Teri Pal Bhar Ki Dil-Lagi Mohsin
Us Ko Barbaad Kar Gai Hogi

tujhe at-hkheliya soojhi hain hum bezar baithe haiN

Kamar bandhe huye chalne ko ya sab yar baithe haiN
bahut age gaye, baqi jo hain tayar baithe haiN

na cher aey nikahat bad-e-bahari rah lag apni
tujhe at-hkheliya soojhi hain hum bezar baithe haiN

Khayal un ka pare hai arsh-e-azam se kahiN saqi
garaz kuch aur dhun maiN is ghari maikhwar baithe haiN

basane naqsh-e-pa-e-raharavan koo-e-tamana maiN
nahi uthne ki taqat kya karaiN lachar baithe haiN

kahaiN hain sabr kis ko aah nang-o-nam hai kya shai
garaz ro peet kar in sab ko hum yakbar baithe haiN

Usay Apne Dard Ki Fikr Thi Jo Mera Waaqif-e-Haal Tha

Usay Apne Dard Ki Fikr Thi
Jo Mera Waaqif-e-Haal Tha

Woh Jo Us Ki Subh-e-Arooj Thi
Wo Mera Waqt-e-Zawaal Tha

Mera Dard Kaisay Wo Jaanta ?
Meri Baat Kaisay Wo Maanta

Wo To Khud Fanaa Ke Safr Main Tha
Usay Rokna Hi Muhaal Tha

Kahan Jaao Gey Mujhe Chor Kar ?
Main Yeh Pooch Pooch Kar Thak Gaya

Woh Jawab Mujhko Na De Saka
Woh To Khud Sarapaa Sawaal Tha

Wo Mila To Sadiyon Baad Bhi
Mere Lab Par Koi Gilaa Na Tha

Usay Meri Chup Ne Rula Dia
Jisay Guftgoo Main Kamaal Tha !

Wo Ek Hi Chehra To Nahi Saare Jahan Mein

Benaam Sa Ye Dard Theher Kyon Nahi Jaata!
Jo Beet Gaya Hai Wo Guzar Kyon Nahi Jaata!

Sab Kuch To Hai Kya Dhundti Hai Nigahein,
Kya Baat Hai Suraj Wakt Par Ghar Kyon Nai Jaata!

Wo Ek Hi Chehra To Nahi Saare Jahan Mein,
Jo Door Hai Wo Dil Se Utar Kyon Nahi Jaata!

Main Apni Hi Uljhi Hui Raahon Ka Tamasha,
Jaate Hai Jidhar Sab Man Udhar Kyon Nahi Jaata!

Wo Naam Jo Na Jane Kab Se Na Chehre Na Badan Hai,
Wo Khwab Agar Hai To Bikhar Kyon Nahi Jaata!!!