April 2013

Apne Honton Pe Sajana Chahta Hun

Apne Honton Pe Sajana Chahta Hun
Aa Tujhe Mein Gungunana Chahta Hun

Koi Aansuu Tere Daaman Pe Gira Ke
Boond Ko Moti Banana Chahta Hun

Thak Gaya Mein Yaad Kartay Kartay Tujh Ko
Ab Tujhe Mein Yaad Aana Chahta Hun

Aakhri Hichki Tere Zaano Pe Aaye
Mout Bhee Shayarana Chahta Hun

Reh Gayi Thi Kuch Kami Ruswaayion Mein
Phir “Qateel” Oske Dar Pe Jaana Chahta Hun

Zindagi hum ne bata tera bigada kia hai

Zindagi hum ne bata tera bigada kia hai
Har sitam hum pe rawa hai ye tamasha kia hai

Teri khushyon pe mera haq hi nahi jab koi
Phir bhala gham se mere tera bhi rishta kia hai

Bhuk jati hi nahi lakh jatan karta hun
Palne wale mera rizq se jhagda kia hai

Main to lut-ta bhi raha chain se sota bhi raha
Lootne wale bata tune kamaya kia hai

Main tere pyar ke qabil to nahi hun lekin
Soch mujhko bhi nafi karne se bachta kia hai

Log karte hain ebadat bhi tejarat ki tarah
Pahle ye sochte hain badle me milta kia hai