May 2014

Gulo me rag bhare baad-e-nau-bahaar chale

gulo me rag bhare baad-e-nau-bahaar chale
chale bhi aao ke gulshan ka kaar-o-baar chale

qafas udas hai yaro saba se kuchh to kaho
kahi to bahar-e-khuda aaj zikr-e-yaar chale

kabhi to subh tere kunj-e-lab se ho aagaz
kabhi to shab sar-e-kaakul se mushkabar chale

bada hai dard ka rishta ye dil garib sahi
tumhare naam pe ayege gam-gusaar chale

jo ham pe guzari so guzari magar shab-e-hijraan
hamare ashk teri aakabat sanwar chale

huzur-e-yaar hui daftar-e-junun ki talab
girah me le ke gireban ka tar tar chale

Har Lehza Hai Momin Ki Nayi Shan, Nayi Aan

Har Lehza Hai Momin Ki Nayi Shan, Nayi Aan
Guftar Mein, Kirdar Mein, Allah Ki Burhan!

Qahhari-o-Ghaffari-o-Quddusi-o-Jabroot
Ye Char Anasir Hon To Banta Hai Musalman

Humsaya-e-Jibreel-e-Ameen Banda-e-Khaki
Hai Iss Ka Nasheman Na Bukhara Na Badakhshan

Ye Raaz Kisi Ko Nahin Maloom Ke Momin
Qari Nazar Ata Hai, Haqiqat Mein Hai Quran!

Qudrat Ke Maqasid Ka Ayar Uss Ke Irade
Dunya Mein Bhi Meezan, Qayamat Mein Bhi Meezan

Jis Se Jigar-e-Lala Mein Thandak Ho, Woh Shabnam
Daryaon Ke Dil Jis Se Dehel Jaen, Woh Toofan

ik muamma hai samajhne ka na samjhaane ka

ik muamma hai samajhne ka na samjhaane ka
zindagii kahe ko hai Khvaab hai deevane ka

zindagi bhi to pashemaan hai yaha lake mujhe
dhundhatii hai koi hila mere mar jaane ka

haddiyaaN hai kai lipTi hui zanjiron me
liye jaate hai janaaza tere deevane ka

tum ne dekha hai kabhi ghar ko badalte hue rang
aao dekho na tamashaa mere ghum_Khane ka

ab ise dar pe leja ke sula de saqi
yu behaknaa nahi achcha tere deevane ka

hum ne chaani hai bahut dair-o-haram ki galiyaan
kahi payaa na Thikana tere deevane ka

Ilm ne mujh se Kaha Ishq hai diwana-Pan

Ilm ne mujh se Kaha Ishq hai diwana-Pan
Ishq ne mujh se Kaha Ilm hai takhmeen-o-Zan

Band-e-takhmeen-o-Zan! Kirm-e-Kitabi na ban
Ishq sarapa huzoor, Ilm sarapa hijab!

Ishq ki garmi se hai maarka-e-kainat
Ilm maqam-e-Sifat, Ishq tamasha-e-zaat

Ishq sukoon-o-sabat,Ishq hayat-o-mamat
Ilm hai paida sawal, Ishq hai Pinhan jawab!

Ishq Ke hain maujazat saltanat-o-faqr-o-Deen
Ishq Ke adna gulam sahib-e-taj-o-nageen

Ishq makan-o-makeen, Ishq zaman-o-zameen
Ishq sarapa yaqeen, aur yaqeen fatah-e-bab!

jab tera hukm mila tarke muhabbat kar di

jab tera hukm mila tarke muhabbat kar di
dil magar is pe vo dhadka ki qayaamat kar di

tujh se kis tarah mai izhaar-e-tamanna karta
lafz sujhaa to mani ne bagavat kar di

mai to samajha tha ki lauT ate hai jane wale
tune jakar to judai meri qismat kar di

ab ko dushman ke irado pe bhi pyaar ata hai
teri ulfat ne muhabbat meri aadat kar di

puch baitha hu mai tujh se tere kuche ka pata
teri haalat ne kaisi teri surat kar di

jo bhi bura bhala hai allah janta hai

jo bhi bura bhala hai allah janta hai
bande ke dil me kya hai allah janta hai

ye farsh-o-arsh kya hai allah janta hai
pardon me kya chupa hai allah janta hai

jakar jahan se koi vapas nahi hai aata
vo kaun si jagah hai allah janta hai

neki-badi ko apne kitna hi tu chupaye
allah ko sab pata hai allah janta hai

ye dhuup-chhao dekho ye subah-shaam dekho
sab kyu ye ho raha hai allah janta hai

kismat ke naam ko to sab jante hai lekin
kismat me kya likha hai allah janta hai

Juz tere koi bhi din raat na jaane mere

Juz tere koi bhi din raat na jaane mere
Tu kahaaN hai magar aiy dost puraane mere

Tu bhi Khushbu hai magar mera tajassus bekaar
Barq-e-aawara ki maanind Thikhane mere

Shama ki lau thi ke wo tu tha magar hijr ki raat
Der tak rota raha koi sirhaane mere

Khalq ki beKhabri hai ke meri ruswaai
Log mujh ko hi sunate hain fasaane mere

LuT ke bhi Khush huN ke ashkon se bharaa hai daaman
Dekh Gaarat_gare dil ye bhi Khazaane mere

Aaj aik aur baras bit gayaa us ke baGhair
Jis ke hote hue hote the zamaane mere

Kaha tha kis ne ke ahd-e-wafa karo us se

Kaha tha kis ne ke ahd-e-wafa karo us se
Jo yuN kiya hai to phir kyuN gila karo us se

Ye ahl-e-baz tunak hausla sahi phir bhi
Zaraa fasanaa-e-dil ibtida karo us se

Ye kyaa ke tum hi Gam-e-hijr ke fasane kaho
Kabhi to us ke bahane sunaa karo us se

Nasib phir koi taqrib-e-qarb ho ke na ho
Jo dil men hon wahi baaten kiya karo us se

'Faraz' tark-e-ta'alluq to Khair kya hogaa
Yahi bahut hai ke kam kam mila karo us se

KaruN na yaad agar kis tarah bhulauN use

KaruN na yaad agar kis tarah bhulauN use
Ghazal bahana karuN aur gungunauN use

Wo Khaar-Khaar hai shaaKh-e-gulaab ki maanind
Main zaKhm-zaKhm huN phir bhi gale lagauN use

Ye log tazkare karte hain apne logon se
Main kaise baat karuN aur kahaaN se lauN use

Magar wo zudfaraamosh zud ranj bhi hai
ke rooTh jaaye agar yaad kuchh dilauN use

Wahi jo daulat-e-dil hai wahi jo raahat-e-jaaN
Tumhaari baat pe ai naasiho gaNvauN use

Jo hamsafar sar-e-manzil bichhaD rahaa hai 'Faraz'
Ajab nahin ki agar yaad bhi na aauN use

KaThin hai rahguzar thoDi door saath chalo

KaThin hai rahguzar thoDi door saath chalo
Bahut baDaa hai safar thoDi door saath chaalo

Tamaam umr kahaaN koi saath detaa hai
Main jaanta huN magar thoDi door saath chalo

Nashe men choor huN main bhi tumhen bhi hosh nahin
BaDaa mazaa ho agar thoDi door saath chalo

Ye ek shab ki mulaqaat bhi Ghanimat hai
Kise hai kal ki Khabar thoDi door saath chalo

Abhi to jaag rahe hain chiraaGh raahon ke
Abhi hai door sahar thoDi door saath chalo

Milkar Juda Huey To Na Soya Karenge Hum

Milkar Juda Huey To Na Soya Karenge Hum
Ek Doosre Ki Yaad Mei Roya Karenge Hum

ansoo Chalak Chalak Ke Sataayenge Raath Bhar
Moti Palak Palak Mei Piroya Karenge Hum

Jab Dooriyon Ki Yaad DiloN Ko Jalayegi
Jismo Ko Chandni MeiN Bhigoya Karenge Hum

Ban Kar Ik Bazm Ka Mauzu-e-Guftugu
Jismon Ko Chaandni Mein Bhigoya Karain Ge Hum

Majboriyon Ke Zeher Se Karlain Ge Khudkushi
Ye Buzdili Ka Jurm Bhee Goya Karain Ge Hum

Dil Jal Raha Hai Zard Shajar Dekh Dekh Kar
Ab Chahaton Ke Beej Na Boya Karain Ge Hum

Niyat-e-shauq bhar na jaye kahin

Niyat-e-shauq bhar na jaye kahin,
Tu bhi dil se utar na jaye kahin.

Aaj dekha hai tujhe der k bad,
Aaj ka din guzar na jaye kahin.

Na mila kar udas logon se,
Husn tera bikhar na jaye kahin.

Aarzu hai k tu yahan aye,
Aur phir umr bhar na jaye kahin.

Ji jalata hun aur ye sochta hun,
Rayegan ye hunar na jaye kahin.

Ao kuch der ro hi len 'Nasir',
Phir ye dariya utar na jaye kahin.

Rafta Rafta Wo Meri Hasti Ka Saman Ho Gaye

Rafta Rafta Wo Meri Hasti Ka Saman Ho Gaye
Pehle Jaan Phir Jaan-E-Jaan Phir Jaan-E-Jaana Ho Gaye

Deen-Ba-Deen Badhti Gayi Iss Husn Ki Ranaiya
Pehle Gul Phir Gulbadan Phir Gulbadama Ho Gaye

Aap Tou Nazdik Se Nazdik-Tar Aate Gaye
Pehle Dil Phir Dilruba Phir Dil Ke Mehman Ho Gaye

Pyaar Jab Haad Se Badha Saare Taqalloufh Mit Gaye
Aapse Phir Tum Houe Phir Tu Ka Unwan Ho Gaye

Pehle Jaan Phir Jaan-E-Jaan Phir Jaan-E-Jaana Ho Gaye
Rafta Rafta Wo Meri Hasti Ka Saman Ho Gaye

Tasleem Fazli

sadgi par us ke mar jane ke hasrat dil mein hai

sadgi par us ke mar jane ke hasrat dil mein hai
bas nahi chalta ki phir khanjar kaf-e-qatil mein hai

dekhana taqarir ke lazzat ki jo usane kaha
mainne yah jana ki goya yah bhi mere dil mein hai

garche hai kis kis burai se wale ba in hama
zikr mera mujh se behtar hai ki us mahafil mein hai

bas hujum-e-na umidi khak mein mil jayagi
yah jo ik lazzat hamari sai-e-behasil mein hai

ranj-e-rah kyon khenchiye vamandagi ko ishq hai
uth nahi sakta hamara jo qadam manzil mein hai

sadma to hai mujhe bhi ki tujhse juda hun mai

sadma to hai mujhe bhi ki tujhse juda hun mai
lekin ye sochta hu ki ab tera kya hu mai

bikhra pada hai tere hi ghar me tera vajud
bekar mahfilon me tujhe dhundata hu mai

mai Khudkushi ke jurm ka karta hu aitaraf
apne badan ki qabr me kabse gada hu mai

kis-kiska nam lu zaba par ki tere sath
har roz ek shaKhs naya dekhtaa hu mai

na jane kis ada se liya tune mera naam
duniya samajh rahi hai ke sab kuch tera hu mai

le mere tajurbo se sabak aie mere raqeeb
do chaar sal umr me tujhse bada hu mai

Us mod se shuru karen phir ye zindagi

Us mod se shuru karen phir ye zindagi
Har shay jahan hasin thi, hum tum the ajanabi
Lekar chale the hum jinhen jannat ke khwab the
Phoolon ke khwab the wo muhabbat ke khwab the
Lekin kahan hai un mein wo pahli si dilkashi
Rahte the hum hasin khayalon ke bheed mein
Uljhe hue hain aj sawalon ke bheed mein
Aane lagi hai yaad wo fursat ke har ghadi
Shayad ye waqt hum se koi chaal chal gaya
Rishta wafa ka aur hi rangon mein dhal gaya
Ashkon ke chandani se thi bahatar wo dhup hi

By : Sudarshan Faakir