August 2014

aap ki yaad aati rahi raat bhar

aap ki yaad aati rahi raat bhar
chashm-e-nam muskuraati rahi raat bhar

raat bhar dard ki shama jalti rahi
Gham ki lau thartharaati rahi raat bhar

baa.nsuri ki suriili suhaani sadaa
yaad ban ban ke aati rahi raat bhar

yaad ke chaa.nd dil me.n utarte rahe
chaandni jagmagaati rahi raat bhar

koi divaana galiyo.n me.n phirta rahaa
koi aawaaz aati rahi raat bhar

Makhdoom Mohiuddin

aiy ishq ye sab duniyaa waale be-kaar ki baaten karte hain

aiy ishq ye sab duniyaa waale be-kaar ki baaten karte hain
paael ke Ghamon kaa ilm nahin jhankaar ki baate.n karte hai.n

har dil me.n chhpaa hai teer koi har paa.nv me.n hai zanjir koi
puchhe koi in se Gham ke maze jo pyar ki baate.n karte hai.n

ulfat ke naye diwaano.n ko kis tarah se koi samjhaaye
nazro.n pe lagi hai paabandi deedaar ki baate.n karte hai.n

bha.nvre hai.n agar madhosh to kyaa parwaane bhi hai.n KHaamosh to kyaa
sab pyar ke naGhme gaate hai.n sab yaar ki baate.n karte hai.n

aiy mohabbat tire anjaam pe ronaa aayaa

aiy mohabbat tire anjaam pe ronaa aayaa
jaane kyuu.n aaj tere naam pe ronaa aayaa

yu.n to har shaam ummido.n me.n guzar jaati hai
aaj kuchh baat hai jo shaam pe ronaa aayaa

kabhi taqdeer kaa maatam kabhi duniyaa kaa gila
manzil-e-ishq me.n har gaam pe ronaa aayaa

mujh pe hi KHatm hua silsila-e-nauhagarii
is qadar gardish-e-ayyaam pe ronaa aayaa

jab hua zikr zamaane me.n masarrat kaa shakeel
mujh ko apne dil-e-naakaam pe ronaa aayaa

Baaton baaton mian bicharney ka ishara karkey

Baaton baaton mian bicharney ka ishara karkey
Khud bhi roya woh buhat ham se kinara karkey

Sochta rehta hoon tanhai main anjam-e-khuloos
Phir usi jurm-e-mohabbat ko dobara karkey

Jagmaga di hain terey shahar ki galiyan main ne
Apney ashkon ko palkon pe sitara karkey

Dekh letey hain chalo hosla apne dil ka
Aur kuch roz tere saath guzara karkey

Aik hi shahar main rehna hai magar milna nahi
Dekhtey hain yeh aziyat bhi gawara karkey

Chalo ek baar phir say ajnabi ban jayen hum dono

Na main tum say umeed rakhoon dil nawazi ki,
Na tum meri taraf daikho ghalat andaaz nazron say

Na meray dil ke dharkan larkharay Teri baaton say
Na zahir ho tumhari kashmakash ka raaz nazron say

Tumhain Bhi koi Uljhan rokti hai paish qadmi say
Mujhey bhi log kehtay hain yeh jalway para-ay hain.

Meray humrah bhi ruswa-e-yan hain meray maazi ki
Tumharay saath bhi guzree hui raaton kay sa-ey hain.

Ta-Aruff rog ho jaey tau usska bhoolna behtar,
Ta-Alluq bojhe ban jaey tau uska torna acha.

chehre pe KHushi chhaa jaati hai aankhon me.n suroor aa jata hai

chehre pe KHushi chhaa jaati hai aankhon me.n suroor aa jata hai
jab tum mujhe apna kahte ho apne pe Ghuroor aa jata hai

tum husn ki KHud ik duniya ho shaayad ye tumhe.n maaluum nahi.n
mahfil me.n tumhaare aane se har chiz pe noor aa jata hai

ham paas se tum ko kya dekhe.n tum jab bhi muqaabil hote ho
betaab nigaaho.n ke aage parda saa zaroor aa jata hai

jab tum se mohabbat ki ham ne tab jaa ke kahi.n ye raaz khula
marne kaa saliqa aate hii jine kaa sho.uur aa jata hai

husn jab mehrbaaN ho to kyaa keejiye

husn jab mehrbaaN ho to kyaa keejiye
ishq kii maGhfirat kii duaa keejiye

is saliqe se unse gilaa keejiye
jab gilaa keejiye haNs diyaa keejiye

dusroN par agar tabsiraa keejiye
saamne aainaa rakh liyaa keejiye

ap sukh se haiN tark-e-talluq ke baad
itnii jaldii na ye faislaa keejiye

koi dhokhaa na khaa jaaye meri tarah
aise khul ke na sabse milaa keejiye

 

ishq mujh ko nahin wahshat hi sahi

ishq mujh ko nahi.n wahshat hi sahi
meri wahshat teri shohrat hi sahi

qat.a kijiye na ta.Alluq ham se
kuchh nahi.n hai to adaawat hi sahi

mere hone me.n hai kyaa ruswaai
ai wo majlis nahi.n KHalvat hi sahi

ham bhi dushman to nahin hain apne
Ghair ko tujh se mohabbat hi sahi

apni hasti hi se ho jo kuchh ho
aagahi gar nahi.n Ghaflat hi sahi

umr har-chand ki hai barq-e-KHiraam
dil ke KHun karne ki fursat hi sahi

ham koi tark-e-wafaa karte hain
na sahi ishq musibat hi sahi

Jab bhi milaa hai zaKhm ka tohfa diyaa mujhe

Sach baat maan lijiye chehre pe dhool hai
Ilzaam aainoN pe laganaa fizul hai

Teri nawaazisheN hoN to kaaNTa bhi phool hai
Gham bhi mujhe qubool, Khushi bhi qubool hai

Us paar ab to koi teraa muntazir nahiN
Kacche GhaRe pe tair kar janaa fizool hai

Jab bhi milaa hai zaKhm ka tohfa diyaa mujhe,
Dushman zarur hai wo magar baa-usool hai

justuju jis kii thi us ko to na paaya ham ne

justujuu jis kii thi us ko to na paaya ham ne
is bahaane se magar dekh li duniyaa ham ne

sab kaa ahvaal wahi hai jo hamaara hai aaj
ye alag baat ki shikwa kiyaa tanhaa ham ne

KHud pashiimaan hue ne use sharminda kiyaa
ishq kii vaz.a ko kyaa KHoob nibhaaya ham ne

kaun saa qahr ye aa.nkho.n pe hu.aa hai naazil
ek muddat se koi KHwab na dekhaa ham ne

umr bhar sach hi kahaa sach ke siwa kuchh na kaha
ajr kya is kaa milegaa ye na sochaa ham ne

kaun kahta hai mohabbat ki zubaan hoti hai

kaun kehta hai mohabbat ki zubaan hoti hai..
yeh hakeekat to nigahon se bayaan hoti hai

woh na aaye to satati hai khalish si dil ko..
wo jo aaye to khalish aur jawan hoti hai

rooh ko shaad karey dil ko jo purnoor kare..
her nazaare me ye tanveer kaha hoti hai

zabt sailaab-e-mohabbat ko kaha tak roke..
dil me jo baat ho aankhon se bayaan hoti hai

zindagi ek sulagti si chita hai saahir..
shola banti hai na ye bujhke dhuwan hoti hai

kaun kehta hai mohabbat ki zubaan hoti hai..
yeh hakeekat to nigahon se bayaan hoti hai

labo par uske kabhi baddua nahi hoti

labo par uske kabhi baddua nahi hoti
bas ek maan hai jo kabhi khafa nahi hoti

Is tarah mere gunaahon ko wo dho deti hai,
maa bahut gusse mein hoti hai to ro deti hai

Maine rote hue ponchhe the kisi din aansoo
muddaton maa ne nahi dhoya dupatta apna

Abhi zinda hai maa meri mujhe kuchh bhi nahi hoga,
main jab ghar se nikalta hoon dua bhi saath chalti hai

jab bhi kashti meri sailaab mein aa jaati hai
maa dua karti hui khwaab mein aa jaati hai

Log har mod pe ruk-ruk ke sambhalte kyun hain

Log har mod pe ruk-ruk ke sambhalte kyun hain
Itna darte hain to phir ghar se nikalte kyon hain

Main na jugnu hu diyaa hu na koi tara hu
Roshni waale mere naam se jalte kyon hain

Neend se mera ta-A-lluq hi nahi barsoN se
khwab aa-aa ke meri chhat pe tahalte kyon hain

Mod hota hai jawani ka sambhalne ke liye
Aur sab log yahin aake phisalte kyon hain

Mujhe apne zabt pe naaz tha, sare bazm raat ye kya hua

Mujhe apne zabt pe naaz tha, sare bazm raat ye kya hua
Meri aankh kaise chhalak gayi mujhe ranj hai ye bura hua

Meri zindagi ke charagh ka ye andaaz koi nayaa nahin
Kabhi raushni, kabhi teergi, kabhi jalaa hua kabhi bujha hua

Mujhe raaste mein pada hua kisi badnaseeb ka khat mila
Kahin khoon-e-dil se likha hua, kahin aansuon se mita hua

Jo nazar bacha ke guzar gaye, mere saamne se abhi abhi
Ye mere sheher ke ke log the mere ghar se ghar mila hua

na tu zamiN ke liye hai na aasmaaN ke liye

na tu zamiN ke liye hai na aasmaaN ke liye
jahaaN hai tere liye tu nahiN jahaaN ke liye

ye aql o dil haiN sharar shola-e-mohabbat ke
vo KHaar-o-KHas ke liye hai ye niistaaN ke liye

maqaam-e-parvarish-e-aah-o-laala hai ye chaman
na sair-e-gul ke liye hai na aashiyaaN ke liye

rahegaa raavii o niil o furaat meN kab tak
tiraa safiina ki hai bahr-e-be-karaaN ke liye

nishaan-e-raah dikhaate the jo sitaaroN ko
taras gaye haiN kisii mard-e-raah-daaN ke liye

Silsiley tod gaya wo sabhi jaate jaate

Silsiley tod gaya wo sabhi jaate jaate,
warna itne to marasim the ke aate jaate,

Shikwa-e-zulmat-e-shab se to kahin behtar tha,
apne hisse ki koi shamma jalate jaate,

Kitna aasan tha tere hijr mein marna jaana,
phir bhi ek umr lagi jaan se jaate jaate,

jashn-e-maqtal hi na barpa hua warna hum bhi,
paa-bajolaan hi sahi naachte gaate jaate,

uski wo jaane usse paas-e-wafa tha ke na tha,
tum "faraz" apni taraf se to nibhate jaate...

wo silsiley woh shoq woh nisbat nahi rahi

wo silsiley woh shoq woh nisbat nahi rahi
ab zindgi main hijr ki vahshat nahi rahi

toota hai jab se us ki maseeha'i ka telism
dil ko kisi maseeha ki haajat nahi rahi

phir yun hua ke koi shanasaa nahi raha
phir yun hua ke dard main shiddat nahi rahi

phir yun hua ke ho gaya masroof woh bohat
aur hum ko yaad kerney ki fursat nahi rahi

ye kyaa jagah hai dosto ye kaun saa dayaar hai

ye kyaa jagah hai dosto ye kaun saa dayaar hai
hadd-e-nigaah tak jahaa.n Ghubaar hi Ghubaar hai

har ek jism rooh ke azaab se niDhaal hai
har ek aa.nkh shabnami har ek dil figaar hai

hame.n to apne dil ki dhaDkano pe bhi yaqin nahin
KHoshaa vo log jin ko duusro.n pe aitbaar hai

na jis kaa naam hai koi na jis ki shakl hai koi
ik aisi shai kaa kyun hamen azal se intizaar hai