Shakeel Badayuni

aiy ishq ye sab duniyaa waale be-kaar ki baaten karte hain
paael ke Ghamon kaa ilm nahin jhankaar ki baate.n karte hai.n

har dil me.n chhpaa hai teer koi har paa.nv me.n hai zanjir koi
puchhe koi in se Gham ke maze jo pyar ki baate.n karte hai.n

ulfat ke naye diwaano.n ko kis tarah se koi samjhaaye
nazro.n pe lagi hai paabandi deedaar ki baate.n karte hai.n

bha.nvre hai.n agar madhosh to kyaa parwaane bhi hai.n KHaamosh to kyaa
sab pyar ke naGhme gaate hai.n sab yaar ki baate.n karte hai.n

aiy mohabbat tire anjaam pe ronaa aayaa
jaane kyuu.n aaj tere naam pe ronaa aayaa

yu.n to har shaam ummido.n me.n guzar jaati hai
aaj kuchh baat hai jo shaam pe ronaa aayaa

kabhi taqdeer kaa maatam kabhi duniyaa kaa gila
manzil-e-ishq me.n har gaam pe ronaa aayaa

mujh pe hi KHatm hua silsila-e-nauhagarii
is qadar gardish-e-ayyaam pe ronaa aayaa

jab hua zikr zamaane me.n masarrat kaa shakeel
mujh ko apne dil-e-naakaam pe ronaa aayaa

ai mohabbat tere anjaam pe rona aya
jane kyon aaj tere naam pe ronaa aya

yuN to har shaam ummidon men guzar jati thi
aaj kuchh baat hai jo shaam pe rona aya

kabhi taqdir ka maatam kabhii duniya ka gila
manzil-e-ishq men har gaam pe rona aya

jab hua zikr zamaane men mohabbat ka 'Shakeel'
mujh ko apne dil-e-nakaam pe rona aya

Shakeel Badayuni

mere ham-nafas, mere ham-nava, mujhe dost banake daGhaa na de
main huN dard-e-ishq se jaaN_valab, mujhe zindagi ki duaa na de

mere daaGh-e-dil se hai raushani, usi raushani se hai zindagi
mujhe Dar hai aye mere chaaraagar, ye charaaGh tu hi bujha na de

mujhe chho.D de mere haal par, teraa kyaa bharosaa hai chaaraagar
ye teri nawaazish-e-muKhtasar, meraa dard aur baDhaa na de

meraa azm itanaa buland hai ke paraaye sholon kaa Dar nahin
mujhe Khauf aatish-e-gul se hai, ye kahin chaman ko jalaa na de

wo uThe hain leke hom-o-subuu, arey o 'Shakeel' kahaa.N hai tu
teraa jaam lene ko bazm men koi aur haath baDhaa na de

Shakeel Badayuni