Uncategorized

zindagi jab bhi teri bazm mein, laati hai hamen

zindagi jab bhi teri bazm mein, laati hai hamen
yeh zameen chaand se behtar, nazar aati hai hamen

surkh phoolon se mehek uthati hain dil ki rahen
din dhale yun teri aawaz bulaati hai hamen

yaad teri kabhi dastak kabhi sargoshii se
raat ke pichhale prahar roz jagaati hai hamen

har mulaqaat ka anjaam judai kyun hai
ab toh har waqt yeh hi baat sataati hai hamen

Shahryar

Main nazar se pii rahaa hun

Apni aawaaz ki larzish pe to qaaboo paalo
Pyaar ke bol to honton se nikal jate hain

apne tewar to sambhaalo ke koi ye na kahein
dil badalte hain to chehere bhi badal jate hain”

main nazar se pii rahaa huuN ye samaa badal na jaaye
na jhukaao tum nigaahe.n kahiin raat dhal na jaaye

mere ashk bhii hain is mein ye sharaab ubal na jaaye
meraa jaam chhuunevaale teraa haath jal na jaaye

merii zindagii ke maalik mere dil pe haath rakhanaa
tere aane kii khushii mein meraa dam nikal na jaaye

misc

nahi hoti faqat mai nosh ke hi hath se laghzish
jawani ke nashe me bhi nishane chook jate hain

-------------------------

KHAAB TO KHAAB HAIN MOHTAJ HAIN TABERON KAY
APNI ANKHO KO NA KHAABON KAY HAWALAY RAKHNA

----------*-------------

Ek tum ko agar chura lun main
Ye zamana gharib ho jaye..

------------*------------

Waqt Se Kehdo.. K Is Waqt Na Karwat Badley...!!!
Husn Aaghosh-e-Muhabbat Mein Chala Aaya Hai...!!!

----------------*-----------

misc

KIA JANIE KIUN TAIZ HAWA SOCH MEIN GUM HAI
KHABIDA PRINDON KO DARKHTON SE URA KR

----------*------------

Chupke chupke raat din aaNsu bahaana yaad hai

Chupke chupke raat din aaNsu bahaana yaad hai
Hum ko abtak aashiqi ka wo zamaana yaad hai

Ba-hazaraaN izteraab O sad hazaaraaN ishtiyaaq
Tujh se wo pahle pehal, dil ka lagaana yaad hai

Baar baar uThna usi janib nigaah E shouq ka
Aur tera ghurphe se wo, aankheN laRaana yaad hai

Tujh se kuch milte hi wo bebaak ho jana mera
Aur tera danton men wo ungli dabaana yaad hai

KhaiNch lena wo mera parde ka kona daf’a-atan
Aur dupatte se tera wo muNh chupaana yaad hai

Tu kahin bhi rahe sar pe tere ilzaam to hai

Tu kahin bhi rahe sar pe tere ilzaam to hai
tere haathon ki lakiron mein mera naam to hai

Mujhko tu apnaa bana ya na bana teri Khushi
tu zamaane mein mere naam se badnaam to hai

Mere hisse mein koi jaam na aayaa na sahi
teri mehfil mein mere naam koi shaam to hai

Dekh kar log mujhe naam tera lete hain
is pe main Khush hoon muhabbat ka ye anjaam to hai

Woh sitamagar hi sahi dekh ke usko 'Sabir'
shukr is dil-e-bimaar ko aaraam to hai

Sabir Jalalabadi

Hum unko bhula dein ye mumkin to nahin lagta

Hum unko bhula dein ye mumkin to nahin lagta
Her yaad mita dein ye mumkin to nahin lagta

Dhoka hi diya jisne her gam-e-tayalluk per
Hum usko sada dein ye mumkin to nahin lagta

Taswir sahi dil mein yadon ki basi hai to
Weeran bane dein ye mumkin to nahin lagta

Nisbat hai tere der se ab or kisi der per
Ser aapna jhuka dein ye mumkin to nahin lagta

Bimar huwa kiska oh jante hain aaquil
Per khaake-safa dein ye mumkin to nahin lagta

Matillah Aquil