Nasir Kazmi

apni dhun mein rehtaa hun
mein bhi tere jaisaa hun

o pichhli rut ke saathi
ab ke baras main tanhaa hun

teri gali mein saaraa din
dukh ke kankar chunataa hun

mujh se aankh milaaye kaun
main teraa aa_inaa hun

meraa diyaa jalaaye kaun
main teraa Khaali kamraa hun

tu jivan ki bhari gali
main jangal kaa rastaa hun

apni lahar hai apnaa rog
dariyaa hun aur pyaasaa hun

aati rut mujhe royegi
jaati rut kaa jhonkaa hun

Niyat-e-shauq bhar na jaye kahin,
Tu bhi dil se utar na jaye kahin.

Aaj dekha hai tujhe der k bad,
Aaj ka din guzar na jaye kahin.

Na mila kar udas logon se,
Husn tera bikhar na jaye kahin.

Aarzu hai k tu yahan aye,
Aur phir umr bhar na jaye kahin.

Ji jalata hun aur ye sochta hun,
Rayegan ye hunar na jaye kahin.

Ao kuch der ro hi len 'Nasir',
Phir ye dariya utar na jaye kahin.

Nasir Kazmi

Dil mein ek Lehar si uthi hai abhi
Koi Taaza hawa chali hai abhi

Shor Barpa hai khana-e-Dil mein
Koi deewar si giri hai abhi

Kuch to nazuk mizaj hain hum bhi
Aur ye chot bhi nayi hai abhi

Bhari dunia mein Ji nahi lagta
Jane kis cheez ki kami hai abhi

Yad ke be nishan jaziron se
Teri awaz aa rahi hai abhi

Shahar ki be chiragh galiyon mein
Zindagi tujh ko dhundti hai abhi

So gye log us haweli ke
Ek khidki magar khuli hai abhi

Waqt accha bhi ayega Nasir
Gham na zindagi padi hai abhi

Nasi Kazmi

Jab se tu ne mujhe deewana bana rakha hai
Sang har shaks ne haathon mein utha rakha hai

Us ke dil per bhi kari ishq mein guzri hogi
Naam jis ne bhi muhabbat ka saza rakha hai

Pattharoo aaj mere sir pe barastay kyon ho
Mein ne tum ko bhi kabhi apna Khuda rakha hai

Ab meri deeed ki duniya bhi tamashaee hai
Tu ne kya mujh ko muhabbat mein bana rakha hai

Pee jaa ayyam ki talkhee ko bhi hans ke Nasir
Gham ko sehnay mein bhi kudrat ne maza rakha hai

Nasir Kazmi

dayaar-e-dil ki raat me.n chiraaG saa jalaa gayaa
milaa nahi.n to kyaa huaa vo shakl to dikhaa gayaa

judaaio.n ke zaKhm dard-e-zindagi ne bhar diye
tujhe bhi nind aa gai mujhe bhi sabr aa gayaa

ye subah ki safediyaa.N ye dopahar ki zardiyaa.N
ab aaine me.n deKhtaa huu.N mai.n kahaa.N chalaa gayaa

pukarti hai.n fursate.n kahaa.N gai vo sohbate.n
zami.n nigal gai unhe.n yaa aasamaan khaa gayaa

vo dosti to Khair ab nasib-e-dushmanaa.N hui
vo chhoTi chhoTi ranjisho.n kaa lutf bhi chalaa gayaa

ye kis Khushi ki ret par Gamo.n ko nind aa gai
vo lahar kis taraf gai ye mai.n kahaa.N samaa gayaa

gaye dino.n ki laash par paDe rahoge kab talak
uTho amal_kasho.n uTho ki aaftaab sar pe aa gayaa

Nasir Kazmi

Hoti hai tere naam se wehshat kabhi kabhi
Barham hoi hai youn bhi tabiyat kabhi kabhi

Ae dil kisey naseeb ye tofeeq-e-iztiraab
Milti hai zindagi main ye rahat kabhi kabhi

Tere karam se ae alam e husne afreen
Dil ban gaya hai dost ki khilwat kabhi kabhi

Josh e junoon main dard ki tughyaniyon ke saath
Ashkon main dhal gae teri soorat kabhi kabhi

Tere qareeb reh ke bhi dil mutmain na tha
Guzri hai mujh pe ye bhi qayamat kabhi kabhi

Kuch apna hosh tha na tumhara khayal tha
Youn bhi guzar gae shab e furqat kabhi kabhi

Ae dost hum ne tark e talluq ke bawajood
Mehsoos ki hai teri zaroorat kabhi kabhi

Nasir Kazmi

kisi ka dard ho dil beqarar apna hai
hava kaheen ki ho seena figar apna hai

ho koi fasl magar zakhm khil hi jatay hain
sada bahar dil-e-daghdar apna hai

jo shaAd phirtay thay kal aaj chup k rotay hain
hazar shukr gham-e-paidar apna hai

na tang kar dilay mehzon ko ay gham-e-dunya
khudai bhar main yehi gham gusar apna hai

wo koi apnay siwa ho tu es ka shikwa karon
judai apni hai aur intezar apna hai