yaa mujhe afsar-e-shaahaa na bnayaa hota

Urdu Script

"یا مجھے افسرِ شاہانہ بنایا ہوتا،
یا میرا تاج گدائنا بنایا ہوتا۔

اپنا دیوانہ بنایا مجھے ہوتا تو نے،
کیوں خردمند بنایا نہ بنایا ہوتا۔

خاکساری کے لئے گرچے بنایا تھا مجھے،
کاش خاکِ درِ جاناں بنایا ہوتا۔

نشہِ عشق کا گر زرف دیا تھا مجھ کو،
عمر کا تنگ نہ پیمانہ بنایا ہوتا۔

دلِ سد چاک بنایا تو بلا سے لیکن،
زلفِ مشکیں کا تیرے شانہ بنایا ہوتا۔

صوفیوں کے جو نہ تھا لائقِ صحبت تو مجھے،
قابلِ جلسہِ رندانہ بنایا ہوتا۔

تھا جلانا ہی اگر دوریِ ساقی سے مجھے،
تو چراغِ درِ مے خانہ بنایا ہوتا۔

شعلہِ حسن چمن میں نہ دکھایا اس نے،
ورنہ بلبل کو بھی پروانہ بنایا ہوتا۔

روز معمورہِ دنیا میں خرابی ہے 'ظفر'،
ایسی بستی کو تو ویرانہ بنایا ہوتا۔