ہم نے تجھے جانا ہے فقط تیری عطا سے
سُورَج کے اُجالے سے، فَضاؤں سے، خَلاء سے
چاند اور ستاروں کی چَمَک اور ضیاء سے
جنگل کی خاموشی سے، پہاڑوں کی اَنَا سے
پُرہَول سَمَندر سے، پُراسرار گھٹاء سے
بِجلی کے چَمَکنے سے، کَڑَکنے کی صَدا سے
مِٹّی کے خَزانوں سے، اَنَاجوں سے، غِذاء سے
بَرسات سے، طُوفان سے، پانی سے، ہَوا سے
ہم نے تجھے جانا ہے فقط تیری عطا سے
گُلشَن کی بہاروں سے، تو کَلِیوں کی حَیا سے
مَعصوم سی روتی ہوئی شَبنم کی اَدا سے
لَہراتی ہوئی بادِ سَحَر، بادِ صَباء سے
ہر رَنگ کے، ہر شان کے، پھُولوں کے قَبا سے
چِڑِیوں کے چَہکنے سے، تو بُلبُل کی نَواء سے
موتی کی نَزاکت سے، تو ہِیرے کی جِلاء سے
ہر شے کے جَھلکتے ہوئے فَنکار اور کَلا سے
ہم نے تجھے جانا ہے فقط تیری عطا سے
دُنیا کے حَوادِث سے، وفاؤں سے، جَفاء سے
رَنج و غم، اَلَم سے، دَردوں سے، دَوَا سے
خُوشیوں سے، تبسُّم سے، مَریضوں کی شِفاء سے
بَچوں کی شَرارت سے، تو مَاؤں کی دُعاء سے
نیکی سے، عِبادات سے، لَغزش سے، خَطاء سے
خُود اپنے ہی سینے کی دھَڑکنے کی صَدا سے
وَحدت تیری ہر گام پہ دیتی ہے دِلاسے
ہم نے تجھے جانا ہے فقط تیری عطا سے
اِبلیس کے فِتنوں سے، تو آدم کی خَطاء سے
اَوصافِ اِبراہیم سے، یُوسف کی حَیاء سے
حضرتِ اَیّوب کی تَسلیم و رِضاء سے
عِیسیٰ کی مَسیحائی سے، مُوسٰی کے عَصا سے
نَمرود کے، فِرعون کے اَنجامِ فَناء سے
کعبہ کے تَقَدُّس سے، تو مَروہ اور صَفاء سے
تَورات سے، اِنجیل سے، قُرآں کی صَدا سے
یٰسین سے، طٰہٰ سے، مُزَّمِّل سے، نَباء سے
اِک نُور جو نِکلا تھا کبھی غارِ حِراء سے
ہم نے تجھے جانا ہے فقط تیری عطا سے
Hum ne tujhe jaana hai faqat teri ata se
Sooraj ke ujaale se, fazaaon se khhala se
Chaand aur sitaaron ki chamak aur ziya se
Jangal ki khamoshi se, pahaadon ki anaa se
Purhaol samandar se, pur israar ghataa se
Bijli ke chamakne se, kadakne ki sada se
Mitti ke khazaanon se, anaajon se, ghiza se
Barsaat se, toofaan se, paani se, hawa se
Hum ne tujhe jaana hai faqat teri ataa se
Gulshan ki bahaaron se, to kaliyon ki hayaa se
Maasoom si roti hui shabnam ki adaa se
Lehraati hui baad-e-sahar, baad-e-sabaa se
Har rang ke har shaan ke phoolon ke qabaa se
Chidiyon ke chehakne se, to Bulbul ki nawa se
Moti ki nazaakat se, to heere ki jalaa se
Har shai ke jhalakte hue fankaar aur kala se
Hum ne tujhe jaana hai faqat teri ataa se
Duniya ke hawaadis se, wafaaon se, jafaa se
Ranj-o-gham alam se, dardon se, dawaa se
Khhushiyan se, tabassum se, mareezon ki shifa se
Bachon ki sharaarat se, to maon ki dua se
Neki se, ibaadat se, laghzish se, khhata se
Khhud apne hi sine ki dhadakne ki sadaa se
Wahdat teri har gaam pe deti hai dilaasa se
Hum ne tujhe jaana hai faqat teri ata se
Iblees ke fitno se, to Aadam ki khhata se
Ausaf-e-Ibrahim se, Yusuf ki haya se
Hazrat-e-Ayyub ki tasleem o raza se
Isa ki Masihai se, Musa ke asaa se
Namrood ke, Firaun ke anjaam-e-fana se
Kaaba ke taqaddus se, to Marwah aur Safaa se
Taurait se, Injeel se, Quraan ki sada se
Yaseen se, Taha se, Muzammil se, Nabaa se
Ek noor jo nikla tha kabhi Ghaar-e-Hira se
Hum ne tujhe jaana hai faqat teri ata se
