جس دیس سے ماں بہنوں کو اغیار اُٹھا کر لے جائیں
جس دیس کے قاتل غنڈوں کو اشراف چھڑا کر لے جائیں
جس دیس کی کوٹ کچہری میں انصاف ٹکوں پر بکتا ہو
جس دیس کا منشی قاضی بھی مجرم سے پوچھ کر لکھتا ہو
جس دیس کے چپّے چپّے پر پولیس کے ناکے ہوتے ہوں
جس دیس کے مندر مسجد میں ہر روز دھماکے ہوتے ہوں
جس دیس میں جان کے رکھوالے خود جانیں لیں معصوموں کی
جس دیس میں حاکم ظالم ہو، سسکی نہ سنے مجبوروں کی
جس دیس کی گلیوں کوچوں میں ہر سمت فحاشی پھیلی ہو
جس دیس میں بنتِ حوّا کی چادر بھی داغ سے میلی ہو
جس دیس میں آٹے چینی کا بحران فلک تک جا پہنچے
جس دیس میں بجلی پانی کا فقدان حلق تک جا پہنچے
جس دیس کے ہر چوراہے پر دو چار بھکاری پھرتے ہوں
جس دیس میں روز جہازوں سے امدادی تھیلی گرتے ہوں
جس دیس میں غربت ماؤں سے بچے نیلام کراتی ہو
جس دیس میں دولت شرفا سے ناجائز کام کراتی ہو
جس دیس کے عہدے داروں سے عہدے نہ سنبھالے جاتے ہوں
جس دیس کے سادہ لوح انسان وعدوں پہ ہی ٹالے جاتے ہوں
اُس دیس کے ہر ایک لیڈر پر سوال اُٹھانا واجب ہے
اُس دیس کے ہر ایک حاکم کو سولی پہ چڑھانا واجب ہے
Jis des se maon bahno ko aghyar utha kar le jayen
Jis des ke qatil ghundon ko ashraf chuda kar le jayen
Jis des ki kot kachahri me insaf takon par bikta ho
Jis des ka munshi qazi bhi mujrim se puch kar likhta ho
Jis des ke chappe chappe par plice ke nake hote hon
Jis des ke mandir masjid me har roz dhamake hote hon
Jis des me jan ke rakhwale khud jane len masumon ke
Jis des me hakim zalim ho siski na sune majbooron ki
Jis des ki galiyon kuchon me har simt fahashi phaili ho
Jis des me bint-e-hawwa ki chadar bhi dagh se maili ho
Jis des me ate chini ka bohran falak tak ja pahunche
Jis des me bijli pani ka fuqdan halaq tak A pahunche
Jis des ke har chorahe par do char bhikari phirte hon
Jis des me roz jahazon se imdadi thaili girte hon
Jis des me ghurbat maon se bache neelam krati ho
Jis des me daulat shorfa se najayez kam krati ho
Jis des ke aohdedaron se aohde na sambhale jate hon
Jis des ke sada lauh insan wadon pe hi tale jate hon
Us des ke har ek leader par sawal uthana wajib hai
Us des ke har ek hakim ko sooli pe chadhana wajib hai
