مہاجر ہیں مگر ہم ایک دنیا چھوڑ آئے ہیں،
تمہارے پاس جتنا ہے ہم اتنا چھوڑ آئے ہیں۔
کہانی کا یہ حصّہ آج تک سب سے چھپایا ہے،
کہ ہم مٹّی کی خاطر اپنا سونا چھوڑ آئے ہیں۔
نئی دنیا بنا لینے کی اک کمزور چاہت میں،
پرانے گھر کی دہلیزوں کو سونا چھوڑ آئے ہیں۔
عقیدت سے کلائی پر جو اک بچّی نے باندھی تھی،
وہ راکھی چھوڑ آئے ہیں، وہ رشتہ چھوڑ آئے ہیں۔
کسی کی آرزو کے پاؤں میں زنجیر ڈالی تھی،
کسی کی اون کی تیلی میں پھندا چھوڑ آئے ہیں۔
پکا کر روٹیاں رکھتی تھی ماں جس میں سلیقے سے،
نکلتے وقت وہ روٹی کی ڈلیّا چھوڑ آئے ہیں۔
جو اک پتلی سڑک اُنّاٴو سے موہان جاتی ہے،
وہیں حسرت کے خوابوں کو بھٹکتا چھوڑ آئے ہیں۔
یقیں آتا نہیں، لگتا ہے کچّی نیند میں شاید،
ہم اپنا گھر گلی اپنا محلّہ چھوڑ آئے ہیں۔
ہمارے لوٹ آنے کی دعائیں کرتا رہتا ہے،
ہم اپنی چھت پہ جو چڑیوں کا جتھّا چھوڑ آئے ہیں۔
ہمیں ہجرت کی اس اندھی گُفا میں یاد آتا ہے،
اجنتا چھوڑ آئے ہیں، ایلورا چھوڑ آئے ہیں۔
سبھی تہوار مل جل کر مناتے تھے وہاں جب تھے،
دیوالی چھوڑ آئے ہیں، دَسہرا چھوڑ آئے ہیں۔
ہمیں سورج کی کرنیں اس لئے تکلیف دیتی ہیں،
اودھ کی شام، کاشی کا سویرا چھوڑ آئے ہیں۔
گلے ملتی ہوئی ندیاں، گلے ملتے ہوئے مذہب،
الٰہ آباد میں کیسا نظارہ چھوڑ آئے ہیں۔
ہم اپنے ساتھ تصویریں تو لے آئے ہیں شادی کی،
کسی شاعر نے لکھّا تھا جو سہرا چھوڑ آئے ہیں۔
کئی آنکھیں ابھی تک یہ شکایت کرتی رہتی ہیں،
کہ ہم بہتے ہوئے کاجل کا دریّا چھوڑ آئے ہیں۔
شکر اس جسم سے کھلواڑ کرنا کیسے چھوڑے گی،
کہ ہم جامن کے پیڑوں کو اکیلا چھوڑ آئے ہیں۔
وہ برگد جس کے پیڑوں سے مہک آتی تھی پھولوں کی،
اُسی برگد میں ایک ہرِیل کا جوڑا چھوڑ آئے ہیں۔
ابھی تک بارشوں میں بھیگتے ہی یاد آتا ہے،
کہ چھپر کے نیچے اپنا چھاتا چھوڑ آئے ہیں۔
بھتیجی اب سلیقے سے دوپٹّا اوڑھتی ہوگی،
وہی جھولے میں ہم جس کو ہُمڑتا چھوڑ آئے ہیں۔
یہ ہجرت تو نہیں تھی، بزدلی شاید ہماری تھی،
کہ ہم بستر میں ایک ہڈی کا ڈھانچا چھوڑ آئے ہیں۔
ہماری اہلیہ تو آ گئی، ماں چھوٹ گئی آخر،
کہ ہم پیتل اُٹھا لائے ہیں، سونا چھوڑ آئے ہیں۔
مہینوں تک تو امّی خواب میں بھی بُدبُداتی تھیں،
سکھانے کے لئے چھت پر پودینہ چھوڑ آئے ہیں۔
وزارت بھی ہمارے واسطے کم مرتبہ ہوگی،
ہم اپنی ماں کے ہاتھوں میں نوالہ چھوڑ آئے ہیں۔
یہاں آتے ہوئے ہر قیمتی سامان لے آئے،
مگر اقبال کا لکھا ترانہ چھوڑ آئے ہیں۔
ہمالیہ سے نکلتی ہر ندی آواز دیتی تھی،
میاں آؤ وضو کر لو — یہ جملہ چھوڑ آئے ہیں۔
وضو کرنے کو جب بھی بیٹھتے ہیں یاد آتا ہے،
کہ ہم جلدی میں جمنا کا کنارہ چھوڑ آئے ہیں۔
اتار آئے مروّت اور رواداری کا ہر چولا،
جو ایک سادھو نے پہنائی تھی مالا چھوڑ آئے ہیں۔
جنابِ میر کا دیوان تو ہم ساتھ لے آئے،
مگر ہم میر کے ماتھے کا کشکّا چھوڑ آئے ہیں۔
اُدھر کا کوئی مل جائے اِدھر تو ہم یہی پوچھیں،
ہم آنکھیں چھوڑ آئے ہیں کہ چشمہ چھوڑ آئے ہیں۔
ہماری رشتہ داری تو نہیں تھی، ہاں تعلّق تھا،
جو لکشمی چھوڑ آئے ہیں، جو درگا چھوڑ آئے ہیں۔
گلے ملتی ہوئی ندیاں، گلے ملتے ہوئے مذہب،
الٰہ آباد میں کیسا نظارہ چھوڑ آئے ہیں۔
کل ایک امرود والے سے یہ کہنا گیا ہم کو،
جہاں سے آئے ہیں ہم، اس کی بَگِیا چھوڑ آئے ہیں۔
وہ حیرت سے ہمیں تکتا رہا کچھ دیر پھر بولا،
وہ سنگم کا علاقہ چھوٹ گیا یا چھوڑ آئے ہیں؟
ابھی ہم سوچ میں گُم تھے کہ اس سے کیا کہا جائے،
ہمارے آنسوؤں نے راز کھولا — چھوڑ آئے ہیں۔
محرم میں ہمارا لکھنؤ ایران لگتا تھا،
مدد مولا! حسین آباد روتا چھوڑ آئے ہیں۔
جو ایک پتلی سڑک اُنّاو سے موہان جاتی ہے،
وہیں حسرت کے خوابوں کو بھٹکتا چھوڑ آئے ہیں۔
محل سے دور برگد کے تلے مَوّان کے خاطر،
تھکے ہارے ہوئے گوتم کو بیٹھا چھوڑ آئے ہیں۔
تسلّی کو کوئی کاغذ بھی چِپکا نہیں پائے،
چراغِ دل کا شیشہ یوں ہی چٹخا چھوڑ آئے ہیں۔
سڑک بھی شیر شاہی آ گئی تقسیم کے زد میں،
تجھے کر کے ہندوستان چھوٹا چھوڑ آئے ہیں۔
ہنسی آتی ہے اپنی ادکاری پر خود ہم کو،
بنے پھرتے ہیں یوسف اور زلیخا چھوڑ آئے ہیں۔
گزرتے وقت بازاروں میں اب بھی یاد آتا ہے،
کسی کو اس کے کمرے میں سنورتا چھوڑ آئے ہیں۔
ہمارا راستہ تکتے ہوئے پتھرا گئی ہوں گی،
وہ آنکھیں جن کو ہم کھڑکی پہ رکھا چھوڑ آئے ہیں۔
تو ہم سے چاند اتنی بےرخی سے بات کرتا ہے،
ہم اپنی جھیل میں ایک چاند اُترا چھوڑ آئے ہیں۔
یہ دو کمروں کا گھر اور یہ سلگتی زندگی اپنی،
وہاں اتنا بڑا نوکر کا کمرہ چھوڑ آئے ہیں۔
ہمیں مرنے سے پہلے سب کو یہ تاکید کرنا ہے،
کسی کو مت بتا دینا کہ کیا کیا چھوڑ آئے ہیں۔
Muhajir hain magar hum ek duniya chhor aaye hain,
Tumhare paas jitna hai hum utna chhor aaye hain.
Kahani ka ye hissa aaj tak sab se chhupaya hai,
Ke hum mitti ki khaatir apna sona chhor aaye hain.
Nayi duniya basa lene ki ik kamzor chahat mein,
Purane ghar ki dehleezon ko soona chhor aaye hain.
Aqeedat se kalai par jo ik bachchi ne baandhi thi,
Wo rakhi chhor aaye hain, wo rishta chhor aaye hain.
Kisi ki aarzu ke paon mein zanjeer daali thi,
Kisi ki oon ki teeli mein phanda chhor aaye hain.
Paka kar rotiyan rakhti thi maan jisme saleeqe se,
Nikalte waqt wo roti ki daliya chhor aaye hain.
Jo ik patli sadak Unnao se Mohan jaati hai,
Wahin hasrat ke khwabon ko bhatkata chhor aaye hain.
Yaqeen aata nahin, lagta hai kacchi neend mein shayad,
Hum apna ghar gali apna mohallah chhor aaye hain.
Hamare laut aane ki duaein karta rehta hai,
Hum apni chhat pe jo chidiyon ka jathha chhor aaye hain.
Hamein hijrat ki is andhi gufa mein yaad aata hai,
Ajanta chhor aaye hain, Ellora chhor aaye hain.
Sabhi tyohar miljul kar manate the wahan jab the,
Diwali chhor aaye hain, Dussehra chhor aaye hain.
Hamein suraj ki kirnen is liye takleef deti hain,
Awadh ki shaam, Kashi ka savera chhor aaye hain.
Gale milti hui nadiyan, gale milte hue mazhab,
Allahabad mein kaisa nazara chhor aaye hain.
Hum apne saath tasveeren to le aaye hain shaadi ki,
Kisi shayar ne likkha tha jo sehra chhor aaye hain.
Kai aankhen abhi tak ye shikayat karti rehti hain,
Ke hum behte hue kajal ka dariya chhor aaye hain.
Shakar is jism se khilwaad karna kaise chhodega,
Ke hum jamun ke pedon ko akela chhor aaye hain.
Wo bargad jiske pedon se mehak aati thi phoolon ki,
Ussi bargad mein ek haryal ka joda chhor aaye hain.
Abhi tak barison mein bheegte hi yaad aata hai,
Ke chappar ke neeche apna chhata chhor aaye hain.
Bhateeji ab saleeqe se dupatta odhti hogi,
Wahi jhoole mein hum jisko humadta chhor aaye hain.
Ye hijrat to nahin thi, buzdili shayad hamari thi,
Ke hum bistar mein ek haddi ka dhancha chhor aaye hain.
Hamari ahliya to aa gayi, maan chhut gayi aakhir,
Ke hum peetal uthaa laaye hain, sona chhor aaye hain.
Mahino tak to Ammi khwab mein bhi budbudati thin,
Sukhaane ke liye chhat par pudina chhor aaye hain.
Wizarat bhi hamare waaste kam martaba hogi,
Hum apni maan ke haathon mein nivaala chhor aaye hain.
Yahan aate hue har qeemti samaan le aaye,
Magar Iqbal ka likha tarana chhor aaye hain.
Himalaya se nikalti har nadi awaaz deti thi,
Miyaan aao wuzu kar lo — ye jumla chhor aaye hain.
Wuzu karne ko jab bhi baithte hain yaad aata hai,
Ke hum jaldi mein Jamuna ka kinara chhor aaye hain.
Utaar aaye murawwat aur rawadaari ka har chola,
Jo ek sadhu ne pehnayi thi maala chhor aaye hain.
Janab-e-Mir ka Deewan to hum saath le aaye,
Magar hum Mir ke maathe ka kashka chhor aaye hain.
Udhar ka koi mil jaaye idhar to hum yehi poochhein,
Hum aankhen chhor aaye hain ke chashma chhor aaye hain.
Hamari rishtedari to nahin thi haan talluq tha,
Jo Lakshmi chhor aaye hain jo Durga chhor aaye hain.
Gale milti hui nadiyan, gale milte hue mazhab,
Allahabad mein kaisa nazaara chhor aaye hain.
Kal ek amrood wale se ye kehna gaya humko,
Jahan se aaye hain hum, iski bagiya chhor aaye hain.
Wo hairat se hume takta raha, kuch der phir bola,
Wo Sangam ka ilaaka chhut gaya ya chhor aaye hain?
Abhi hum soch mein ghum the ke usse kya kaha jaaye,
Hamare aansuon ne raaz khola — chhor aaye hain.
Muharram mein hamara Lucknow Iran lagta tha,
Madad Maula! Husainabad rota chhor aaye hain.
Jo ek patli sadak Unnao se Mohan jaati hai,
Wahin hasrat ke khwabon ko bhatkata chhor aaye hain.
Mahal se door bargad ke tale mawaan ke khaatir,
Thake haare hue Gautam ko baitha chhor aaye hain.
Tasalli ko koi kaaghaz bhi chipka nahin paaye,
Charagh-e-dil ka sheesha yun hi chatkha chhor aaye hain.
Sadak bhi Sher-Shahi aa gayi taqseem ke zad mein,
Tujhe karke Hindustan chhota chhor aaye hain.
Hansi aati hai apni adakaari par khud humko,
Bane firte hain Yusuf aur Zulekha chhor aaye hain.
Guzarte waqt bazaaron mein ab bhi yaad aata hai,
Kisi ko uske kamre mein sanwarta chhor aaye hain.
Hamara raasta takte hue pathra gayi hongi,
Wo aankhen jinko hum khidki pe rakha chhor aaye hain.
Tu humse chaand itni berukhi se baat karta hai,
Hum apni jheel mein ek chaand utara chhor aaye hain.
Ye do kamron ka ghar aur ye sulagti zindagi apni,
Wahan itna bada naukar ka kamra chhor aaye hain.
Hume marne se pehle sabko ye takeed karna hai,
Kisi ko mat bata dena ke kya-kya chhor aaye hain.
