Hasbi rabbi jallallah ma fi qalbi ghairullah

Submitted by admin on Sat, 01/26/2019 - 22:09

Hasbi rabbi jallallah ma fi qalbi ghairullah
Noor-e-Muhammad sallalla laailaha illallah

Tere sadqe me aaqa sare jahan ko deen mila
Bedeeno ne kalma padha laailaha illallah

Hasbi rabbi jallallah, ma fi qalbi ghairullah
Noor-e-Muhammad sallalla, laailaha illallah

Simt-e-nabi Abu Jehal gaya aaqa se usne ye kaha
Agar ho nabi batlaao zara, meri mutthi me hai kya

Aaqa ka farman hua aur fazl-e-rahmaan hua
Mutthi se patthar bola laailaha illallah

Koi Zabt De Na jalal De Mujhe Sirf Itna Kamal De

Submitted by admin on Wed, 12/20/2017 - 14:56

Koi Zabt De Na jalal De
Mujhe Sirf Itna Kamal De

Mujhe Apni Rah Mein Daal De
K Zmana Meri Misal De

Teri Rehmaton ka Nazool Ho
Mujhe Mehnato Ka Sila Mile

Mujhe Maal-O-Zar Ki Hawas Na Ho
Mujhe Bas Too Rizq-E-Halal De

Mere Zehn Mein Teri Fikar Ho
Meri Saans Mein Tera Zikar Ho

Tera Khof Meri Nijat Ho
Sabhi Khof Dil Se Nikal De

Teri Bargah Mein Aaye ALLAH
Meri Roz-o-Shab Hai Yehi Dua

Too RAHEEM Hai Too KAREEM Hai
Mujhe Mushkilon Se Nikal De..!

Kiyon Tabiaat Kahin Theharti Nahi

Submitted by admin on Wed, 02/08/2017 - 09:33

Kiyon Tabiaat Kahin Theharti Nahi
Dosti Tau Udaas Karti Nahi

Hum Hamesha Ke Ser Chashm Sahi
Tujh Ko Dekhain Tau Aankh Bharti Nahi

Shab-e-Hijraan Bhi Roz-e-Bad Ki Tarah
Kutt Tau Jaati Hai Par Guzarti Nahi

Sher Bhi Aayton Se Kiya Kum Hein
Hum Pe Mana Wahi Utarti Nahi

Yeh Mohabbat Hai, Sun Zamany Sun
Itni Aasanion Se Marti Nahi

Jiss Tarah Tum Guzaarty Ho Faraz
Zindagi Iss Tarah Guzarti Nahi

Ab aur kya kisi se maraasim barrhayein hum,

Submitted by admin on Sat, 02/04/2017 - 09:25

Ab aur kya kisi se maraasim barrhayein hum,
Yeh bhi bohut hai, tujhe bhool jayen hum,

Sehra-e-zindagi mein koyi dusra na tha,
Sunte rahe hein aap hi apni sadaayn hum,

Iss zindagi mein itni fraghat kise naseeb,
Itna na yaad aa ke tujhe bhool jayen hum,

Tu itni dil zada tau na thi ay shab-e-firaq,
Aa tere raaste mein sitaare luttayen hum,

Woh log ab kahan hein jo kehte they kal faraz,
Haye haye khuda-na-karda tujhe bhi rulayen hum..

Pages