Sitare Jo Damakte Hain Kisi Ki Chashm-e-Hairan Mein

Sitare Jo Damakte Hain
Kisi Ki Chashm-e-Hairan Mein

Mulaqaten Jo hoti Hain
Jamal-e-Abr-o-Baran Mein

Kya Mere Siwa Shehar Mein Masoom Hain Saare

Shayed Yeh Zarf Hai Jo Khamosh Hun Ab Tak
Warna To Tere Aeib Bhi Maloom Hain Saare

Sub Jurm Meri Zaat Se Mansoob Howy "Mohsin"
Kya Mere Siwa Shehar Mein Masoom Hain Saare

KHwab ki tarah bikhar jaane ko ji chahta hai

khvab ki tarah bikhar jaane ko ji chahta hai 
aisi tanhai ki mar jaane ko ji chahta hai 

ghar ki vahshat se larazta huun magar jaane kyuun 
shaam hoti hai to ghar jaane ko ji chahta hai 

koi ham-dam na rahA koi sahArA na rahA 

koi ham-dam na rahA koi sahArA na rahA 
ham kisi ke na rahe koi hamArA na rahA 

shaam tanhAi ki hai aaegi manzil kaise 
jo mujhe raah dikhA de vahi taarA na rahA

Chalo ab aisa karte hain sitaarey baant lete hain

Chalo ab aisa karte hain sitaarey baant lete hain.
Zarurat ke mutabiq hum saharey baant lete hain.

Mohabat karne walon ki tijaarat bhi anokhi hai,
Munaafa chhor detey hain khasaarey baant lete hain.

ik lafz-e-mohabbat ka adna ye fasana hai

ik lafz-e-mohabbat ka adna ye fasana hai
simTe to dil-e-ashiq phaile to zamana hai

dil abhi tak javan hai pyare

dil abhi tak javan hai pyare 
kis musibat men jaan hai pyare

hai justuju ki khuub se hai khub-tar kahan 

hai justuju ki khuub se hai khub-tar kahan 
ab Thaharti hai dekhiye ja kar nazar kahan 

ye aur baat hai tujh se gila nahin karte 

ye aur baat hai tujh se gila nahin karte 
jo zakhm tu ne diye hain bhara nahin karte 

sarakti jaa.e hai rukh se naqab ahista ahista

sarakti jaa.e hai rukh se naqab ahista ahista
nikalta aa raha hai aftab ahista ahista

UnhiN Ko Raah E Talab Khaar Daar Di Gayi Hai

UnhiN ko raah e talab khaar daar di gayi hai
Woh jin ko mamlekat e aetebaar di gayi hai

Bas Ek Khyal Hai Taskeen E Jaan Hamare Liye …

Bas ek khyaal hai taskeen E jaaN hamare liye
Zamane bhar se koi bad gumaaN hamare liye

Udaas rut mein  basad ehtemaam  aagaye hain

Udaas rut mein  basad ehtemaam  aagaye hain
In aaNsuoN ko  saleeqay tamaam aagaye hain

Bahte daryaa meN utar jana tha

Bahte daryaa meN utar jana tha
Khaak the aur bikhar jana tha

Raz E ulfat chhupa ke dekh liya

Raz E ulfat chhupa ke dekh liya
Dil bahut kuchh jala ke dekh liya

Aur kya dekhne ko baaqi hai
Aap se dil lagaa ke dekh liya

Recent Update

ik lafz-e-mohabbat ka adna ye fasana hai
simTe to dil-e-ashiq phaile to zamana hai

ye kis ka tasavvur hai ye kis ka fasana hai
jo ashk hai ankhon men tasbih ka daana hai

dil sang-e-malamat ka har-chand nishana hai
dil phir bhi mira dil hai dil hi to zamana ha 

ham ishq ke maron ka itna hi fasana hai
rone ko nahin koi hansne ko zamana hai

vo aur vafa-dushman manenge na maana hai
sab dil ki shararat hai ankhon ka bahana hai

shair huun main shair huun mera hi zamana hai
fitrat mira aina qudrat mira shana hai

jo un pe guzarti hai kis ne use jaana hai
apni hi musibat hai apna hi fasana hai

kya husn ne samjha hai kya ishq ne jaana hai
ham khak-nashinon ki Thokar men zamana hai

aghaz-e-mohabbat hai aana hai na jaana hai
ashkon ki hukumat hai aahon ka zamana ha

ankhon men nami si hai chup chup se vo baiThe hai
nazuk si nigahon men nazuk sa fasana hai

ham dard-ba-dil nalan vo dast-ba-dil hairan
ai ishq to kya zalim tera hi zamana hai

ya vo the khafa ham se ya ham hain khafa un se
kal un ka zamana tha aaj apna zamana hai

ai ishq-e-junun-pesha haan ishq-e-junun-pesha
aaj ek sitamgar ko hans hans ke rulana hai

thoDi si ijazat bhi ai bazm-gah-e-hasti
aa nikle hain dam-bhar ko rona hai rulana hai

ye ishq nahin asan itna hi samajh liije
ik aag ka dariya hai aur Duub ke jaana hai

khud husn-o-shabab un ka kya kam hai raqib apna
jab dekhiye ab vo hain aina hai shana hai

tasvir ke do rukh hain jaan aur gham-e-janan
ik naqsh chhupana hai ik naqsh dikhana hai

ye husn-o-jamal un ka ye ishq-o-shabab apna
jiine ki tamanna hai marne ka zamana hai

mujh ko isi dhun men hai har lahza basar karna
ab aae vo ab aae lazim unhen aana hai

khuddari-o-mahrumi mahrumi-o-khuddari
ab dil ko khuda rakkhe ab dil ka zamana hai

ashkon ke tabassum men aahon ke tarannum men
maasum mohabbat ka maasum fasana hai

aansu to bahut se hain ankhon men 'jigar' lekin
bandh jaae so moti hai rah jaae so daana hai

dil abhi tak javan hai pyare 
kis musibat men jaan hai pyare 

tū mire haal ka khayal na kar 
is men bhi ek shaan hai pyare 

talkh kar di hai zindagi jis ne 
kitni miThi zaban hai pyare 

vaqt kam hai na chhed hijr ki baat 
ye badi dastan hai pyare 

jaane kya kah diya tha roz-e-azal 
aaj tak imtihan hai pyare 

ham hain bande magar tire bande 
ye hamari bhi shaan hai pyare 

naam hai is ka naseh-e-mushfiq 
ye mira mehrban hai pyare 

kab kiya main ne ishq ka daava 
tera apna guman hai pyare 

main tujhe bevafa nahin kahta 
dushmanon ka bayan hai pyare 

saari duniya ko hai ghalat-fahmi 
mujh pe to mehrban hai pyare 

tere kūche men hai sukūn varna 
har zamin asman hai pyare 

khair fariyad be-asar hi sahi 
zindagi ka nishan hai pyare 

sharm hai ehtiraz hai kya hai 
parda sa darmiyan hai pyare 

arz-e-matlab samajh ke ho na khafa 
ye to ik dastan hai pyare 

jang chhid jaae ham agar kah den 
ye hamari zaban hai pyare 

hai justuju ki khuub se hai khub-tar kahan 
ab Thaharti hai dekhiye ja kar nazar kahan 

hain daur-e-jam-e-avval-e-shab men khudi se duur 
hoti hai aaj dekhiye ham ko sahar kahan 

ya rab is ikhtilat ka anjam ho ba-khair 
tha us ko ham se rabt magar is qadar kahan 

ik umr chahiye ki gavara ho nish-e-ishq 
rakkhi hai aaj lazzat-e-zakhm-e-jigar kahan 

bas ho chuka bayan kasal-o-ranj-e-rah ka 
khat ka mire javab hai ai nama-bar kahan 

kaun o makan se hai dil-e-vahshi kanara-gir 
is khanuman-kharab ne DhunDa hai ghar kahan 

ham jis pe mar rahe hain vo hai baat hi kuchh aur 
aalam men tujh se laakh sahi tu magar kahan 

hoti nahin qubul dua tark-e-ishq ki 
dil chahta na ho to zaban men asar kahan 

'hali' nashat-e-naġhma-o-mai DhunDhte ho ab 
aa.e ho vaqt-e-sub.h rahe raat bhar kahan