نہ مندر میں صنم ہوتے، نہ مسجد میں خدا ہوتا
ہمیں سے یہ تماشا ہے، نہ ہم ہوتے تو کیا ہوتا
نہ ایسی منزلیں ہوتیں، نہ ایسا راستا ہوتا
سنبھل کر ہم ذرا چلتے، تو عالم زیرِ پا ہوتا
گھٹا چھاتی، بہار آتی، تمہارا تذکرہ ہوتا
پھر اُس کے بعد گل کھلتے، کہ زخمِ دل ہرا ہوتا
زمانے کو تو بس مشقِ ستم سے لطف لینا ہے
نشانے پر نہ ہم ہوتے، تو کوئی دوسرا ہوتا
ترے شانِ کرم کی لاج رکھ لی غم کے ماروں نے
نہ ہوتا غم تو اس دنیا میں ہر بندہ خدا ہوتا
مصیبت بن گئے ہیں اب تو یہ سانسوں کے دو تنکے
جلا تھا جب تو پورا آشیانہ جل گیا ہوتا
ہمیں تو ڈوبنا ہی تھا، یہ حسرت رہ گئی دل میں
کنارے آپ ہوتے اور سفینہ ڈوبتا ہوتا
ارے او جیتے جی دردِ جدائی دینے والے، سُن
تجھے ہم صبر کر لیتے، اگر مر کے جدا ہوتا
بلا کر تم نے محفل میں ہمیں غیروں سے اٹھوایا
ہمیں خود اٹھ گئے ہوتے، اشارہ کر دیا ہوتا
ترے احباب تجھ سے مل کے پھر مایوس لوٹ آئے
تجھے ’’نوشاد‘‘ کیسی چپ لگی، کچھ تو کہا ہوتا
Na mandir mein sanam hote, na masjid mein Khuda hota
Hami se ye tamasha hai, na hum hote to kya hota
Na aisi manzilein hotin, na aisa rasta hota
Sambhal kar hum zara chalte, to aalam zer-e-pa hota
Ghata chhati, bahar aati, tumhara tazkira hota
Phir us ke baad gul khilte, ke zakhm-e-dil hara hota
Zamane ko to bas mashq-e-sitam se lutf lena hai
Nishane par na hum hote, to koi doosra hota
Tere shan-e-karam ki laaj rakh li gham ke maaron ne
Na hota gham to is duniya mein har banda Khuda hota
Musibat ban gaye hain ab to ye saanson ke do tinke
Jala tha jab to poora aashiyana jal gaya hota
Hamein to doobna hi tha, ye hasrat reh gayi dil mein
Kinare aap hote aur safeena doobta hota
Are o jeete-jee dard-e-judai dene wale, sun
Tujhe hum sabr kar lete, agar mar ke juda hota
Bula kar tum ne mehfil mein hamein ghairon se uthvaya
Hami khud uth gaye hote, ishara kar diya hota
Tere ahbab tujh se mil ke phir mayus laut aaye
Tujhe "Naushad" kaisi chup lagi, kuchh to kaha hota
