یہ جگنوؤں کی قیادت میں چلنے والے لوگ،
تھے کل چراغ کی مانند جلنے والے لوگ۔
ہمیں بھی وقت نے پتھر صفت بنا ڈالا،
ہمیں تھے موم کی صورت پگھلنے والے لوگ۔
ہم ہی نے اپنے چراغوں کو پامال کیا،
ہم ہی ہیں اب کفِ افسوس ملنے والے لوگ۔
سمٹ کے رہ گئے ماضی کے داستانوں تک،
حدودِ ذات سے آگے نکلنے والے لوگ۔
ستم تو یہ کہ ہماری صفوں میں شامل ہیں،
چراغ بجھتے ہی خیمہ بدلنے والے لوگ۔
ہمارے دور کا فرعون ڈوبتا ہی نہیں،
کہاں چلے گئے پانی پر چلنے والے لوگ۔
Ye jugnuon ki qayaadat me chalne waale log,
They kal charaagh ki maanind jalne waale log.
Hamein bhi waqt ne patthar sifat bana daala,
Hamein they mom ki soorat pighalne waale log.
Hameen ne apne charaaghon ko pamaal kiya,
Hameen hain ab kaf-e-afsos milne waale log.
Simat ke rah gaye maazi ke dastaanon tak,
Hudood-e-zaat se aage nikalne waale log.
Sitam to ye ke hamari safon mein shaamil hain,
Chiraagh bujhte hi khema badalne waale log.
Hamare daur ka Firaun doobta hi nahin,
Kahan chale gaye paani par chalne waale log.
