راستہ بھی کٹھن، دھوپ میں شدت بھی بہت تھی
سائے سے مگر اُس کو محبت بھی بہت تھی
خیمے نہ کوئی میرے مسافر کے جلائے
زخمی تھا بہت، پاؤں مسافت بھی بہت تھی
سب دوست میرے منتظرِ پردہِ شب تھے
دن میں تو سفر کرنے میں دقت بھی بہت تھی
بارش کی دعاؤں میں نمی آنکھوں کی مل جائے
جذبے کی کبھی اتنی رفاقت بھی بہت تھی
کچھ تو تیریے موسم ہی مجھے راس کم آئے
اور کچھ میری مٹی میں بغاوت بھی بہت تھی
پھولوں کا بکھرنا تو مقدر ہی تھا لیکن
کچھ اس میں ہواؤں کی سیاست بھی بہت تھی
اس ترکِ رفاقت پہ پریشان تو ہوں لیکن
اب تک تیرے ساتھ پہ حیرت بھی بہت تھی
خوش آئے تجھے شہرِ منافق کی امیری
ہم لوگوں کو سچ کہنے کی عادت بھی بہت تھی
rasta bhi kaThin, dhoop meiN shiddat bhi bohat thi
saaye se magar us ko mohabbat bhi bohat thi
kheme na koi mere musaafir ke jalaaye
zakhmi tha bohat paaoN musaafat bhi bohat thi
sab dost mre muntazir-e-parda-e-shab the
din meiN to safar karne meiN diqqat bhi bohat thi
barrish ki duaaoN meiN nami aaNkhi ki mil jaaye
jazbe ki kabhi itni rafaaqat bhi bohat thi
kuchchh to tere mausam hi mujhe raas kam aaye
aur kuchchh mri miTTi meiN baghaawat bhi bohat thi
phooloN ka bikharna to muqaddar hi tha lekin
kuchchh is meiN hawaaoN ki siyaasat bhi bohat thi
is tark-e-rafaaqat pe pareshaaN to hooN lekin
ab tak ke tere saath pe hairat bhi bohat thi
khush aaye tujhe shehr-e-munaafiq ki ameeri
hum logoN ko sach kehne ki aadat bhi bohat thi
Perveen Shakir
