ہر طرح کے جذبات کا اعلان ہیں آنکھیں
شبنم کبھی شعلہ، کبھی طوفان ہیں آنکھیں
آنکھوں سے بڑی کوئی ترازو نہیں ہوتی
تلتا ہے بشر جس میں، وہ میزان ہیں آنکھیں
آنکھیں ہی ملاتی ہیں زمانے میں دلوں کو
انجان ہیں ہم تم اگر انجان ہیں آنکھیں
لب کچھ بھی کہیں، اس سے حقیقت نہیں کھلتی
انسان کے سچ جھوٹ کی پہچان ہیں آنکھیں
آنکھیں نہ جھکیں تیری کسی غیر کے آگے
دنیا میں بڑی چیز مری جان، ہیں آنکھیں
Har tarah ke jazbaat ka elaan hain aankhein
Shabnam kabhi sho'ala, kabhi toofaan hain aankhein
Aankhon se badi koi taraazu nahin hoti
Tulta hai bashar jis mein, woh meezaan hain aankhein
Aankhein hi milaati hain zamaane mein dilon ko
Anjaan hain hum-tum agar anjaan hain aankhein
Lab kuchh bhi kahein, is se haqeeqat nahin khulti
Insaan ke sach-jhooth ki pehchaan hain aankhein
Aankhein na jhukein teri kisi ghair ke aage
Duniya mein badi cheez meri jaan, hain aankhein
