Welcome To Urdu Shayari

is qadar musalsal thi shiddaten judaai ki
aaj pahli baar main ne us bewafai ki
warnaa ab talak yuN thaa Khwahishon ki baarish men
yaa to TuT kar royaa yaa Ghazal_saraai ki
taj diyaa tha kal jin ko ham ne teri chaahat men
aaj un se majaburan tazaa aashnaai ki
ho chalaa thaa jab mujh ko iKhtilaaf apne se
tune kis ghaDi zaalim meri ham_nawaai ki
tanz-o-taana-o-tohamat sab hunar hain naaseh ke
aap se koi puchhe ham ne kya buraai ki
phir qafas men shor uTThaa qaidiyon ka aur sayyaad
dekhnaa uDaa degaa phir Khabar rihaai kii
Written By : Ahmad Faraz
Meaning
(musalsal=continuous; shiddat=severity)
(Khwaahish=desire/wish)
(taj denaa=to abandon; aashanaa_ii=love/form relationships)
(iKhtilaaf=difference of opinion; ham-navaa_ii=friendship)
(tanz=satire; taanaa=taunt; tohamat=allegation; naaseh=preacher)
(qafas=cage/prison; sayyaad=hunter)

is daur-e-bejunuN ki kahaani koi likho
jismon ko barf Khoon ko paani koi likho
koi kaho ki haath qalam kis tarah hue
kyuN ruk gai qalam ki ravaani koi likho
kyon ahal-e-shauq sar-va-garebaaN hain dosto
kyon KhooN-ba-dil hai ahad-e-jawaani koi likho
kyon surmaa-dar-gulu hai har ek taayar-e-suKhan
kyon gulsitaaN qafas ka hai saani koi likho
haaN tazaa saanehon kaa kare kaun intazaar
haaN dil ki waaradaat puraani koi likho
 
Written By : Ahmad Faraz

Us Mod Se shuru karen phir yeh Zindagi
Kaun Kahta hai Mohabbat Ki Zuban hoti hai
Kaun Kahta hai mohabbat ki zubah hoti hai
Hosh Walon ko Khabar Kia Bekhudi kia Cheez Hai
Hosh Walon ko Khabar Kia Bekhudi kia Cheez Hai
Teri Berukhi aur Teri Meharbani
Teri Berukhi aur Teri Meharbani
Tum Itna Jo Muskura Rahe Ho Kia Gham Hai Jisko Cchupa Rahe Ho
Tum Itna Jo Muskura Rahe Ho Kia Gham Hai Jisko Cchupa Rahe Ho
Ho ke Majboor Mujhe Us Ne Bhulaya Hoga
Hoke Majboor Mujhe Us Ne Bhulaya Hoga
Badi Haseen Raat Thi - By Jagjeet Singh
Badi Haseen Raat Thi
Duniya Jise Kahate Hain Jaadu Ka Khilona Hai - By Jagjeet Singh
Duniya Jise Kahate Hain Jaadu Ka Khilona Hai

inhin Khush-gumaniyon men kahin jaaN se bhi na jaao
wo jo chaaragar nahin hai use zaKhm kyuN dhikhaao
ye udaasiyon ke mausam kahin raayegaaN na jaayeN
kisi zaKhm ko kuredo kisi dard ko jagaao
wo kahaaniyaaN adhuri jo na ho sakengi puri
unhen main bhi kyuN sunaauN unhen tum bhi kyuN sunaao
mere hamsafar purane mere ab bhi muntazir hain
tumhen saath chhoDna hai to abhi se chhoD jaao
ye judaaiyon ke raste baDi dur tak gaye hain
jo gayaa wo phir na lauTaa merii baat maan jaao
kisi bewafa ki Khaatir ye junuN 'Faraz' kab tak
jo tumhen bhula chuka hai use tum bhi bhul jaao
By : Ahmad Faraz

hui hai shaam to aaNkhon men bas gayaa phir tu
kahaaN gayaa hai mere shahar ke musaafir tu
bahut udaas hai ik shaKhs tere jaane se
jo ho sake to chalaa aa usi ki Khaatir tu
meri misaal ki ik naKhl-e-Khushk-e-sahraa huN
teraa Khayaal ki shaaKh-e-chaman kaa taair tu
main jaanta huN ke duniya tujhe badal degi
main maanta huN ke aisaa nahin bazaahir tu
haNsii Khushi se bichhaD jaa agar bichhaDna hai
ye har maqaam pe kyaa sochtaa hai aaKhir tu
'Faraz' tune use mushkilon men Daal diya
zamaanaa saahib-e-zar aur sirf shaayar tu

aina kyu na dun k tamasha kahe jise
aisa kahan se laun k tujhsa kahe jise
hasrat ne la rakha teri bazm-e-khayal mein
guldasta-e-nigah suweda kahe jise
phunka hai kisne goshe muhabbat mein ai Khuda
afsun-e-intazar tamanna kahe jise
sar par hujum-e-dard-e-garibi se daliye
wo ek musht-e-khak k sahra kahe jise
hai chashm-e-tar mein hasrat-e-didar se nihan
shauq-e-inan gusekhta dariya kahe jise
darkar hai shiguftan-e-gul haye aish ko
subh-e-bahar panba-e-mina kahe jise
“ghalib” bura na man jo waiz bura kahe
aisa bhi koi hai k sab acha kahe jise
 

is se pahle ke bewafaa ho jaayen
kyon na aiy dost ham judaa ho jaayen
tuu bhi hire se ban gayaa patthar
ham bhi kal kyaa se kyaa ho jaayen
ham bhi majburiyon kaa uzr karen
aur kahin aur mubtalaa ho jaayen
ishq bhi khel hai nasibon kaa
Khaak ho jaayen kimiyaa ho jaayen
ab ke gar tu mile to ham tujh se
aise lipaTen teri qabaa ho jaayen
bandagi ham ne chhoD di hai 'Faraz'
kyaa karen log jab Khudaa ho jaayen
By : Ahmad Faraz