Welcome To Urdu Shayari

Haspania tu khun E musalmaaN ka amiN hai
Manind E haram pak hai tu meri nazar meN
Poshida teri khaak meN sajdoN k nishaN haiN
Khaamosh azaaneN E haiN teri bad E sehar meN
Raoshun thiN sitaaroN ki tarah in ki sanaaneN
Kheeme the kabhi jin ke tere koh O kamar meN
Phir tere haseenoN ko zarurat hai hina ki ??
Baqui hai abhi rang mere khun E jigre meN
Kyun kar khas O khashak se dab jaye musalmaN
Mana wo tab O taab nahi is ke sharar meN
Gharnata bhi deakh meri aankhoN ne walekin
Taskin E musafir na safar meN na hazar meN
Deakha bhi dikhaya bhi sunaya bhi suna bhi
Hai dil ki tassalli na nazar meN na khaber meN
Allama Sir Mohammad Iqbal

Teri ulfat nay to diwana bana rakha hai,
Aur logo nay bhi afsana bana rakha hai,
Aandhiyaan taiz chalein bujh na sakay ga phir bhi,
Khoon e dil say jo diya hum nay jala rakha hai
Unse khud unki jafaon ka gila kesy karein,
Hum ne aanhon ko bhi seene main daba rakha hai
Woh joh kaatil hai situmgar hai mohabbat ka meri,
Hum ne unwaan e gazal usko bana rakha hai
Ban ke anjaan sar e bazm woh mujh se bolay,
Ishq main kis ke bura haal bana rakha hai
Koun kehta hai tujhko bhool gaya hai dil,
Teri yaad ko to humne emaan bana rakha hai

har-chand ġham-o-dard ki qimat bhi bahut thi
lena hi paḌa dil ko zarurat bhi bahut thi

zalim tha vo aur zulm ki aadat bhi bahut thi
majbur the ham us se mohabbat bhi bahut thi

go tark-e-ta.alluq men suhulat bhi bahut thi
lekin na hua ham se ki ġhairat bhi bahut thi

us but ke sitam sah ke dikha hi diya ham ne
go apni tabi.at men baġhavat bhi bahut thi

vaqif hi na tha ramz-e-mohabbat se vo varna
dil ke liye thoḌi si inayat hi bahut thi

yuun hi nahin mash.hur-e-zamana mira qatil
us shaḳhs ko is fan men maharat bhi bahut thi

kya daur-e-ġhazal tha ki lahu dil men bahut tha
aur dil ko lahu karne ke fursat bhi bahut thi

har shaam sunate the hasinon ko ġhazal ham
jab maal bahut tha to saḳhavat bhi bahut thi

bulva ke ham 'ajiz' ko pasheman bhi bahut hain
kya kijiye kam-baḳht ki shohrat bhi bahut thi

Zinda Quwwat Thi Jahan Mein Yehi Touheed Kabhi
Aaj Kya Hai, Faqat Ek Masla-e-Ilm-e-Kalaam
Roshan Iss Zou Se Agar Zulmat-e-Kirdar Na Ho
Khud Musalman Se Hai Poshida Musalman Ka Maqam
Main Ne Ae Meer-e-Sipah! Teri Sipah Dekhi Hai
‘QUL HU WALLAH’ Ki Shamsheer Se Khali Hain Nayam
Aah, Iss Raaz Se Waqif Hai Na Mullah, Na Faqeeh
Wahdat Afkar Ki Be-Wahdat-e-Kirdar Hai Kham
Qoum Kya Cheez Hai, Qoumon Ki Imamat Kya Hai
Iss Ko Kya Samjhain Ye Bechare Do Rakat Ke Imam!
Allama Iqbal

Iqbal Day (Yom-e-Iqbal) is the birthday of Muhammad Iqbal on 9 November. Iqbal is known as Muslim philosopher and great poet and considered most important figure in the Urdu literature. He is widely admired by the Pakistani, Indian, Iranian and Turk poets. Iqbal day is organized and celebrated on 9 November around the whole world to tribute to Iqbal, the "Poet of the East" every year.Iqbal was born on 9 November 1877 in Sialkot, within the Punjab Province of British India.  

Zindagi insaan ki ek dam ke siwa kuch bhi nahi
Dam hawa ki mauj hai, ram ke siwa kuch bhi nahi
Gul, tabassum kah raha tha zindagani ko magar
Shama boli, Girya-e-gham ke siwa kuch bhi nahi
Raaz-e-hasti raaz hai jab tak koi mahram na ho
Khul gaya jis dam, to mahram ke siwa kuch bhi nahi
Zaayeran-e-kaba se IQBAL ye puche koi
Kia haram ka tohfa zam-zam ke siwa kuch bhi nahi?

By : Allama Iqbal

Hum Tere Shahar Mein Aaye Hain Musafir Ki Tarah
Sirf Ek Baar Mulaqaat Ka Mauqa De De
Meri Manzil Hai Kahan Mera Thikana Hai Kaha
Subah Tak Tujh Se Bichhad kar Mujhe Jaana Hai Kaha
Sochne Ke Liye Ek Raat Ka Mauqa De De
Apni Aankho Mein Chhupa Rakkhe Hai Jugnu Main ne
Apni PalkoN Pe Saja Rakkhe Hain Aansu Main ne
Meri Aankho Ko Bhi Barsaat Ka Mauqa De De
Aaj Ki Raat Mera Dard-e-Muhaabat Sun Le
Kap Kapate Huae Hotho Ki Shikaayat Sun Le
Aaj Izhaar-e-Khayaalat Ka mauqa De De
Bhulna Tha Toh Ye Iqraar kiyaa hi Kyuu Tha
Bewafa Tune mujhe Pyar Kiya Hi Kyun tha
Sirf Do-Chaar Sawalat Ka Mauqa De De
Hum Tere Shehar Mein Aaye Hain Musafir Ki Tarah
Sirf Ek Baar Mulaqaat Ka Mauqa De De
Qaiser ul Jafri