Welcome To Urdu Shayari

Dil se jo baat nikalti hai, asar rakhti hai, Par nahin, taaqat-e-parwaaz magsr rakhti hai.
Qudsi-ul-asal hai, rif-atpe nazar rakhti hai, Khaak se uthti hai, gardoon pe guzar rakhti hai.
Ishq tha fitna gar-o-sarkash-o-chalaak mira, Aasman cheer gaya nala-e-bebaak mira.
_______________
Pir-e-gardoon ne kaha sun ke, kahin hai koi! Bole sayyaare, sar-e-arsh-e-barin hai koi!
Chaand kahta tha, nahin, ahl-e-zamin hai koi! Kahkashaan kahti thi, poshida yahin hai koi!
Kuchh jo samjha tau mere shikwe ko Ruzwan samjha, Mujhe jannat se nikala hua insaan samjha.
_______________
Thi farishton ko bhi hairat, ke yeh aawaaz hai kya! Arsh waalon pe bhi khulta nahin yeh raaz hai kya!
Taa sar-e-arsh bhi insaan ki tag-o-taaz hai kya? Aa gai khak ki chutki ko bhi parwaaz hai kya?
Ghaafil aadaab se yeh sukkaam-e-zamin kaise hain, Shokh-o-gustaakh yeh pasti ke makin kaise hain,
_______________
Is qadar shokh ke Allah se bhi barham hai, Tha jo masjud-e-malaik yeh wohi Aadam hai?
Aalam-e kaif hai, dana-e-ramuz-e-kam hai, Haan, magar ijaz ke asrar se namahram hai.
Naaz hai taaqat-e-guftaar pe insaanon ko, Baat karne ka saliqa nahin nadaanon ko!
_______________
Aai aawaaz ghum-angez hai afsana tira, Ashk-e-betaab se labrezhai paimana tira.
Shukr shikwe ko kiya husn-e-ada se tu ne, Hum sakhun kar diyabandon ko khuda se tu ne.
Hum tau mayal ba-karam hai, koi sayal hi nahin, Rah dikhlain kise rahraw-e-manzil hi nahin.
_______________
Tarbiat aam tau hai, jauhar-e-qabil hi nahin, Jis se taamir ho aadam ki yeh who gil hi nahin.
Koi qabil ho tau hum shan-e-kai dete hain; Dhoondne waalon ko duniya bhi nai dete hain!
Haath be-zor hain, ilhaad se dil khoo-gar hain, Ummati baais-e-ruswai-e-paighamber hain.
_______________
But-shikan uth gaye, baaqi jo rahe but-gar hain, Tha Brahim pidar, aur pisar Aazar hain.
Bada aasham naye baaqi naya khum bhi naye, Harm-e-Kaaba naya, but bhi naye, tum bhi naye.
Who bhi din the ke yehi maya-e-raanai tha, Naazish-e-mausim-e-gul lala-e-sahraai tha!
_______________
Jo Musalmaan tha Allah ka saudai tha, Kabhi mehboob tumhara yehi harjaai tha.
Safah-e-dahar se baatil ko mitaya kis ne? Nau-e-insaan ko ghulami se chhuraya kis ne?
Mere Kaabe ko jabeenon se basaya kis ne? Mere Quran ko seenon se lagaya kis ne?
_______________
The tau aaba who tumhaare hi, magar tum kya ho? Haath par haath dhare muntezir-e-farda ho!
Kya kaha? "bahr-e-musalmaan hai faqt waade-e-hur," Shikwa beja bhi kare koi tau laazim hai shaoor!
Adal hai faatir-e-hasti ka azal se dastur, Muslim aaeen hua kafir tau mile hur-o-qasur;
_______________
Tum mein hooron ka koichahne wala hi nahin, Jalwa-e-tur tau maujood hai, Moosa hi nahin.
Munfait ek hai is qaum ki, nuqsaan bhi ek, Ek hi sab ka nabi, din bhi, imaan bhi ek,
Harm-e-paak bhi, Allah bhi, Quran bhi ek, Kuchh bari baat thi hote jo musalmaan bhi ek!
_______________
Firqa bandi hai kahin, aur kahin zaaten hain. Kya zamane mein panpaneki yehi baaten hain?
Jaa ke hote hain masaajid mein saf-aara tau gharib, Zahmat-e-roza jo karte hain gawara tau gharib.
Naam leta hai agar koi hamara, tau gharib, Pardah rakhta hao agar koi tumhara, tau gharib.
_______________
Umra nasha-e-daulat mein hain ghafil hum se, Zinda hai millat-e-baiza ghurba ke dam se.
Shor hai ho gaye duniya se musalmaan naabood, Hum yeh kahte hain ke the bhi kahin Muslim maujood?
Waza mein tum ho nisari, tau tamuddan mein Hanood, Yeh musalmaan hain! Jinhen dekh ke sharmain Yahud?
_______________
Baap ka ilm na bete ko agar azbar ho, Phir pisar qabil-e-miraas-e-pidar kyonkar ho!
Har koi mast-e-mai-e-zauq-e-tan aasaani hai, Tum musalmaan ho? Yeh andaaz-e-musalmaani hai?
Chaahte sab hain ke hon auj-e-surayya pe muqeem, Pahle waisa koi paida tau kare qalb-e-salim!
_______________
Ahd-e-nau barq hai, aatish zan-e-har khirman hai, Aiman is se koi sahra no koi gulshan hai.
Is nai aag ka aqwaam-e-kuhan eendhan hai, Millat-e-khatam-e-rasal shoula ba parahan hai.
Dekh kar range-e-chaman ho na pareshan maali, Kookab-e-ghuncha se shaakhen hain chamakne wali,
_______________
Khas-o-khashaak se hota hai gulistan khaali, Gul bar andaaz hai khun-e-shuhda ki laali.
Rang gardoon ka zara dekh tau unnabi hai, Yeh nikalte hue suraj ki ufaq taabi hai.
Nakhl-e-Islam namoona hai bro-mandi ka, Phal hai yeh sainkron saalon ki chaman bandi ka.
_______________
Qaafila ho na sakega kabhi weeran tera, Ghair yak baang-e-dara kuchh nahin samaan tera.
Nakhl-e-shama asti-o-dar should dood resha-e-tu, Aaqbat soz bood saya-e-andesha-e-tu.
Ki Mohammed se wafa tu ne tau hum tere hain, Yeh jahan cheez hai kya, lauh-eo-qalam tere hain.
_______________
More Ghazal by Allama Sir Mohammad Iqbal

nahi hoti faqat mai nosh ke hi hath se laghzish
jawani ke nashe me bhi nishane chook jate hain
-------------------------
KHAAB TO KHAAB HAIN MOHTAJ HAIN TABERON KAY
APNI ANKHO KO NA KHAABON KAY HAWALAY RAKHNA
----------*-------------
Ek tum ko agar chura lun main
Ye zamana gharib ho jaye..
------------*------------
Waqt Se Kehdo.. K Is Waqt Na Karwat Badley...!!!
Husn Aaghosh-e-Muhabbat Mein Chala Aaya Hai...!!!
----------------*-----------
KIA JANIE KIUN TAIZ HAWA SOCH MEIN GUM HAI
KHABIDA PRINDON KO DARKHTON SE URA KR
----------*------------
de diya zakhm to marham ka takaluf na karo,
kuch to rehne do meri zaat pe ehsan apne..
---------*-------------
Phir na ki jiye ga meri gustakh nigahon ka gila,
Dekhiye ap ne phir pyar se dekha mujh ko...
----------*-----------
Sakoon ka Aik Lamha Bhi Nahi Muyassar Mujko.....,
Yadon ko SuLati Hoon To Tanhai jaag Uthti Hai.....!!
---------*-------------
Daag duniya ne diye, zakhm zamane se mile....
Humko ye tohfe, tumhe dost banane se mile....
Hum tarasate hi, tarasate hi, tarasate hi rahe....
Wo falane se, falane se, falane se mile...
Khud se milte to chaahat ka gam na rehata...
Kya mile aap jo logon ke milane se mile...
-----------*--------------
Sabab hr ek mjhse poochhta hai mere rone ka,
Ae khuda,main kaise raazdaan kr loon iss poori duniya ko......
------------*----------
Dost Kya Khoob Wafaoon Ka Sila Daitay Hain
Her Naye Moor Per Ek Zakm Naya Daitay Hain
Tum Say To Khair Ghadi Bher Ki Mulakat Rahi
Log Barsoon Ki Rafaqat Ko Bhula Daitay Hain
----------*-------------
Faqat Tere Ishq Ki Ghulami Mein Hain Aj
Warna Yeh Dil Ek Zamany Tak Nawab Raha Hai
---------*------------
Ankhen he kaha karti hain sub dil k chupy raaz..?
Kyon tujh ko yaqeen meri in ankhoon pe nahe hai..
------------*-----------
Jiss Ki Nazron Mein Hum, Nahi Achay.....!!!!
Kuch To Wo Shakhs Bhi Bura Hoga...
------------*------------
Usse kahna ke laut aye sulagti shamon se pahle
Kisi ki muntazir ankhon me sadayen raqs karti hain
----------------*---------------
Mujhy GUmaN Tha Chaha BhOut Zamane nY MUjhY
MeiN AzeeZ sUbkO Tha MaGar ZUrato'N ki Tarha'N
--------------*---------------
Har koi apne chand se tha mahw-e-guftagu
Main apna chand dhundta raha aur eid guzar gyee
----------*--------------
Teri Pakeeza Nigaho Ki Taqaddus Ki Qasam..
Dil To Kya Rooh Ne Bhi Tujhse Mohabbat Ki Hai
----------------*--------------
Har waada-e-wafa ko bhulaane ka SHUKRIYA.
Deewaana kar ke aankh churaane ka SHUKRIYA.
Hum jaante the aap ke qaabil nahi hain hum,
Kuchh roz dil ki aas barhaane ka SHUKRIYA.
Taabeer jin ki daikh kar aankhein hain zakhmi zakhmi,
Itne haseen khawaab dikhaane ka SHUKRIYA,,,
-------------*-----------------
Yun na jhanko gharib ke ghar me
Yehan hasratein be libas rahti hain
------------*---------------
Tumhari yaad b Mohsin kisi muflis ki poonji hai,
Jisay hum sath rakhte hain, jisay hum roz gintay hain !
--------*----------------
Tere Gharoor ko Daikh k Teri tamana bi chor di Ham ne....
Zara Ham bhi to Dekhain k kon chahta hai tujhe Hamari tarha
-----------*---------
Ghuroor To Hona Tha Unko Hamari Muhabbat Ki Shiddat Daikh k
Magar Wo Apni Qadar Ki Soch Main Hamari Qeemat Bhool Gaya...
-------------*---------------
Mere ishq se mili hai tere husn ko ye shohrat...
Tera zikr hi kahan tha meri dastaan se pehle
-------------*---------------
Teri Sharton Pe Hi Karna Hai Agar Tujh Ko Qabool
Yeh Sahulat - Tou Mujhy Sara Jahan Deta Hai
----------*---------
zindagi ek kahani ke siva kuchh bhi nahin !!!!
log kirdar nibhate huye mar jate hain !!!!
---------*-----
Nahi Sajday Kiye Humnay Kabhi Ghairon Ki Chokhat Par
Hamein Jis Ki Zaroorat Ho Khuda Se Maang Letay Hain...!!!
-----------*----------
Ek lamha bhi mohabbat ka bahut hota hai !
log jeene ka saleeqa hi kahaan rakhte hain !!
------------*-----------
Tumhari yaad hi aksar hamein Majboor karti hai,
Warna SHAIRI karna hamein acha nahi lagta…
-------*-------------
Kitni Saji Hai Bewafai Tere Masoom Se Chehre Par,
wo Hum Hi Pagal The Jo Is Adaa Par Bhi Marr Gaye.....!
-----------*---------
Log padh lete hain ankhone se dil ki halat
ab mujh se tere gham ki hifazat nahi hoti
---------*----------
Dast-E-Taqdeer Se Har Shaks ne Hissa Paya….
Mere Hissay Main Tere Sath Ki Hasrat Aee
-------*--------
Ye dil bura he sahi sar e bazar to na kah___!!
Aakhir tu is makaan me kuch din raha bhi to hai___!!
--------*--------
Meri koi khata to Saabit kar,Jo Bura hun to Bura Saabit kar,Tujhe chaha hai kitna tu kya jane,Chal main Bewafa hi sahi,Tu Apni Wafa Saabit kar......
------------*-----------
Acche logon ko to sabhi chaha karte hain
Hai koi talabgaar! bahut bure hain hum
------------*-----------
Biti hui zindagi ki bas itni si kahani hai
Kuch hum khud barbad hue kuch unki meharbani hai
------------*-----------
Agar dil haar baithe ho mere humdum mohabbat me
Fana kaisi? Baqa kaisi? Saza kaisi? Jaza kaisi?
------------*-----------
Taskin-e-mohabbat ke faqat do hi tariqe the
Ya dil na bana hota ya tum na bane hote
-------------*-----------
Wo na mil to kia hua ye ishq hai hawas nahi
Mai unhi ka tha unhi ka hun wo mere nahi to na sahi
----------*-----------
Ye to accha hua qudrat ne rangin nahi rakhe aansu
warna jiske daman par girta wo to badnam ho jata
-----------*----------
bade shauq se sun raha tha zamana hame,
hum hi so gaye dastaan kahte kahte
-----------*------------
Usey shak hai k main us k liye jaan na dy paon ga
Mujy yeh darr hai k roye ga bouth wo aazma k mujhe

chehra mera tha nigahein us ki
Khamoshi men bhi wo baatein us ki
mere chehre pe Ghazal likhti gain
sher kahti hui aaNkhein us ki
ShoKh lamhon ka pata dene lagin
tez hoti hui saaNsen us ki
aise mausam bhi guzaare ham ne
subahen jab apani thin shaamein us ki
dhyaan men us ke ye aalam thaa kabhi
aaNkh mahataab ki yaaden us ki
faisla mauj-e-hawaa ne likkha
aaNdhiyaaN meri bahaarein us ki
nind is soch se TuTi aksar
kis tarah kaTti hain raatein us ki
door rah kar bhi sadaa rahti hai
mujh ko thaame hue baahein us ki
More Ghazals of Parveen Shakir

mohabbat tark ki mai ne garebaaN si liya mai ne
zamaane ab to Khush ho zahar ye bhi pi liya mai ne
abhi zinda huN lekin sochta rahta huN Khalvat men
ki ab tak kis tamanna ke sahaare ji liya mai ne
unhe apnaa nahin sakta magar itna bhi kya kam hai
ki kuchh muddat hasin Khaabon mein kho kar ji liyaa mai ne
bas ab to daaman-e-dil chhoD do bekaar ummido
bahut dukh sah liye mai ne bahut din ji liya mai ne
Sahir Ludhyanvi

Deewanawar chand se agey nikal gaye
Thahra na Dil kahin bhi teri anjuman ke bad
Hoton ko see ke dekhye pachtayega aap
Hangame jaag uthte hain aksar ghutan ke bad
Ghurbat ki thandi chaaon me yad ayee hai uski dhoop
Qadr-e-watan hui hamein tark-e-watan ke bad
Insaan ke khaahishoon ki koi inteha nahi
Do gaz zamin chahye do gaz kafan ke bad
Kaifi Azmi

KaruN na yaad agar kis tarah bhulauN use
Ghazal bahana karuN aur gungunauN use
Wo Khaar-Khaar hai shaaKh-e-gulaab ki maanind
Main zaKhm-zaKhm huN phir bhi gale lagauN use
Ye log tazkare karte hain apne logon se
Main kaise baat karuN aur kahaaN se lauN use
Magar wo zudfaraamosh zud ranj bhi hai
ke rooTh jaaye agar yaad kuchh dilauN use
Wahi jo daulat-e-dil hai wahi jo raahat-e-jaaN
Tumhaari baat pe ai naasiho gaNvauN use
Jo hamsafar sar-e-manzil bichhaD rahaa hai 'Faraz'
Ajab nahin ki agar yaad bhi na aauN use

Chin-O-arab hamara hindustaN hamara
Muslim haiN hum watan sara jahaN hamara
Tauheed ki amanat sino main hai hamare
AasaN nahi mitana nam-O-nishaN hamara
DuniyaN k but kadoN mai phahla wo ghar khuda ka
Hum is k pasbaN haiN wo pasbaN hamara
TeghoN k saaye main hum pal kar jawaN huye haiN
Khanjer helal ka hai Qoumi nishaN hamara
Maghrib Ki Wadiyon Main Goonji Azan Hamari
Thamta Na Tha Kisi Se Sail-e-Rawan Hamara
Batil se dabne wale ai aasmaN nahiN hum
Sau bar kar chuka hai tu imtehaN hamara
Ai gulistan-E-undulus woh din hai yad tujh ko
Tha teri daliyoN main jab aashyaN hamara
Ai mauj-E-dajla tu bhi pahchanti hai hum ko
Ab tak tera darya afsaNa khwan hamara
Ai arz-E-pak teri hurmat pe kat mareN hum
Hai khooN teri ragoN main ab tak rawaN hamara
Salar-E-karwaN hai MIR-E-HEJAZ apna
Islam se hai baaqi aaram-E-jaN hamara
Iqbal ka tarana Baang-E-Dara hai goya
Hota hai zada paimaN phir karwaN hamara
Allama Iqbal