Welcome To Urdu Shayari

Hum ne kab seekha mohabbat me tejarat ka hunar
Usne duniya ko magar shart-e-wafa rakkha tha
Be wafai ka gilaa un se kahaN tak karte
Marzii-e-rab ko sipar jis ne bana rakkha tha
Dil ke dar per koi aahat koi dastak bhi na thi
Us ne yaadoN ko jo pahray pe bitha rakkha tha
Hum safar maan ke usko main safar karta raha
Us ne rahbar mujhe manzil ka bana rakha tha
Shama-e-ulfat pe hamaine fakhr tha lekin
AandhiyoN ne koi mansooba bana rakha tha
Neyaz Alam

mUhabbat Ka Dhuwaan AankhOn Mein Paani ChOr jAta hAi
Kisi RaStay Say Ghum Guzray NiShaani ChOr jAta hAi
wO Jitni Bhi Baar Milta hAi PehChana Nahien KaRta
Magar AankhOn Mein TaSveerien Puraani ChOr jAta hAi
Isii Ba'aiss tO hUm Be-Sakhta HanSnay Say Dartay hAin
Kabhi Ka QehQa Bhi nOha Khwaahii ChOr jAta hAi
hUmari GuftagOo Sey Bhi wO Qaiyel Nahi hOta
Aur Apni KhamShii Kay Bhi Ma'anii ChOr jAta hAi
BharOsa Jis Pay hO Us Say Tawaqa kOii Mat Rakhna
Yahii Eik Saiyebaan Be-SaayeBaani ChOr jAta hAi
BiChar Kar Bhi hUm Aisay Shakhs Say BiChra Nahi Kartay
jO Aik FiQra Ada Kar Kay Kahaanii ChOr jAta hAi
"Muzafar" mOat Bhi Kum Khub-SOorat tO Nahien hOgi
jO Is Ko Dekhta hAi Zindgaanii ChOr jAta hAi

Husn-e-Yousuf k kharidar kahan se laon
Me yahan misr ka bazaar kahan se laon
Zakham do char agar hun to chupa kar rakhon
Dil me gunjaish-e-yalghar kahan se laaon
Ye to mumkin he tere jaise maseeha mil jaen
Apne dil k jaisa beemar kahan se laon
Mujh ko tasleem hen duniya k taqaaze lekin
Aik hi dil he me do char kahan se laon
Jhoot k bhaao jahan such ki zuban bikty he
Me wahan such ka talabgaar kahan se laon
Me hun insane to insane mujhe samjho tum b
Me farishton ka sa kirdar kahan se laon…….

Tumhaari anjuman se uTh ke diwaane kahaaN jaate
Jo vaabastaa hue tum se voh afsaane kahaaN jaate
Nikal kar dair-o-kaaba se agar milta na maiKhaana
To Thukraaye hue insaaN Khudaa jaane kahaaN jaate
Tumhaari beruKhi ne laaj rakh li baada-Khaane ki
Tum aaNkhoN se pilaa dete to paimaane kahaaN jaate
Chalo achchhaa huaa kaam aa gayee divaangi apni
Vagar na ham zamaane bhar ko samjhaane kahaaN jaate
‘Qateel’ apnaa muqaddar Gham se be-gaanaa agar hota
To phir apne paraaye ham se pahchaane kahaaN jaate

Chupke chupke raat din aaNsu bahaana yaad hai
Hum ko abtak aashiqi ka wo zamaana yaad hai
Ba-hazaraaN izteraab O sad hazaaraaN ishtiyaaq
Tujh se wo pahle pehal, dil ka lagaana yaad hai
Baar baar uThna usi janib nigaah E shouq ka
Aur tera ghurphe se wo, aankheN laRaana yaad hai
Tujh se kuch milte hi wo bebaak ho jana mera
Aur tera danton men wo ungli dabaana yaad hai
KhaiNch lena wo mera parde ka kona daf’a-atan
Aur dupatte se tera wo muNh chupaana yaad hai
Jaan kar sota tujhe woh qasd E pa-bosi mera
Aur tera thukra k sar, wo muskuraana yaad hai
Tujhko jab tanha kabhi pana to az-raah-E-lehaaz
Haal E dil batooN hi batoon men jataana yaad hai
Ghair ki nazroN se bach kar, sab ki marzi k khilaaf
Wo tera chori chhupe ratoN ko aanaa yaad hai
Aa gaya gar wasl ki shab bhi kahiN zikr E firaaq
Woh tera ro ro k mujhko bhi rulaana yaad hai
Do-pahar ki dhoop meN mere bulane ke liye
Woh tera koThe pe nange paoN aana yaad hai
Aaj tak nazroN men hai wo sohbat E raz O neyaz
Apna jaana yaad hai, tera bulaana yaad hai
Mithi mithi cheR kar baateN niraali pyaar ki
Zikr dushman ka wo batoN men uRaana yaad hai
Dekhna mujhko jo barghushta to sau sau naaz se
Jab mana lena to phir, kud rooTh jaana yaad hai
Chori chori hum se tum aa kar mile the jis jagah
MuddateiN guzriN par ab tak wo thikaana yaad hai
Shauq men menhdi k wo be-dast-o-pa hona tera
Aur mera wo chheRna, wo gudgudana yaad hai
Ba-wajood E iddaaye itteqa ‘Hasrat’ mujhe
Aaj tak ahd E hawas ka wo fasaana yaad hai

KIA JANIE KIUN TAIZ HAWA SOCH MEIN GUM HAI
KHABIDA PRINDON KO DARKHTON SE URA KR
----------*------------

ab kis kaa jashn manaate ho us des kaa jo taqseem huaa
ab kis ke geet sunaate ho us tan-man kaa jo do-neem huaa
us Khvaab kaa jo rezaa rezaa un aaNkhon ki taqadir huaa
us naam kaa jo TukaDaa TukaDaa galiyon men be-tauqir huaa
us parcham kaa jis ki hurmat baazaaron men nilaam hu_i
us miTTi kaa jis ki hurmat mansuub uduu ke naam hu_i
us jang ko jo tum haar chuke us rasm kaa jo jaari bhi nahin
us zaKhm kaa jo sine pe na thaa us jaan kaa jo vaari bhi nahin
us Khuun kaa jo bad_qismat thaa raahon men bahaayaa tan men rahaa
us phuul kaa jo beqimat thaa aaNgan men khilaa yaa ban men rahaa
us mashriq kaa jis ko tum ne neze ki ani marham samajhaa
us maGarib kaa jis ko tum ne jitana bhi luuTaa kam samajhaa
un maasuumon kaa jin ke lahuu se tum ne farozaaN raaten kin
yaa un mazaluumon kaa jis se Khanjar ki zubaaN men baaten kin
us mariyam kaa jis ki iffat luTati hai bhare baazaaron men
us isaa kaa jo qaatil hai aur shaamil hai Gam_Khvaaron men
in nauhaagaron kaa jin ne hamen Khud qatl kiyaa Khud rote hain
aise bhi kahin dam_saaz hue aise jallaad bhi hote hain
un bhuuke nange DhaaNchon kaa jo raqs sar-e-baazaar karen
yaa un zaalim qazzaaqon kaa jo bhes badal kar vaar karen
yaa un JhuuTe iqaraaron kaa jo aaj talak aifaa na hue
yaa un bebas laachaaron kaa jo aur bhi dukh kaa nishaanaa hue
is shaahi kaa jo dast-ba-dast aa_i hai tumhaare hisse men
kyon nang-e-vatan ki baat karo kyaa rakhaa hai is qisse men
aaNkhon men chhupaaye ashkon ko honThon men vafaa ke bol liye
is jashn men bhi shaamil huuN nauhon se bharaa kashkol liye
Ahmad faraz