Welcome To Urdu Shayari

Kamar bandhe huye chalne ko ya sab yar baithe haiN
bahut age gaye, baqi jo hain tayar baithe haiN
na cher aey nikahat bad-e-bahari rah lag apni
tujhe at-hkheliya soojhi hain hum bezar baithe haiN
Khayal un ka pare hai arsh-e-azam se kahiN saqi
garaz kuch aur dhun maiN is ghari maikhwar baithe haiN
basane naqsh-e-pa-e-raharavan koo-e-tamana maiN
nahi uthne ki taqat kya karaiN lachar baithe haiN
kahaiN hain sabr kis ko aah nang-o-nam hai kya shai
garaz ro peet kar in sab ko hum yakbar baithe haiN

Badla na apne aap ko jo the wahi rahe,
Milte rahe sabhi se magar ajnabi rahe.
Duniya na jeet pao to haro na khud ko tum,
Thodi bahot to zehan mein narazgi rahe.
Har waqt har maqam par hansna mahaal hai
Rone ke waaste bhi koi be-kali rahe
Apni tarah sabhi ko bhi kisi ki talash thi,
Hum jiske bhi kareeb rahe dur hi rahe.
Guzro jo bagh se to dua mangte chalo,
Jisme khile hain phool woh dali hari rahe.
Nida Fazli

Dil mein ek Lehar si uthi hai abhi
Koi Taaza hawa chali hai abhi
Shor Barpa hai khana-e-Dil mein
Koi deewar si giri hai abhi
Kuch to nazuk mizaj hain hum bhi
Aur ye chot bhi nayi hai abhi
Bhari dunia mein Ji nahi lagta
Jane kis cheez ki kami hai abhi
Yad ke be nishan jaziron se
Teri awaz aa rahi hai abhi
Shahar ki be chiragh galiyon mein
Zindagi tujh ko dhundti hai abhi
So gye log us haweli ke
Ek khidki magar khuli hai abhi
Waqt accha bhi ayega Nasir
Gham na zindagi padi hai abhi
Nasi Kazmi