Welcome To Urdu Shayari

main khayal hoon kisi aur ka mujhe sochta koi aur hai
sir aaina mera aks hay pas aaina koi aur hay
main kisi kay dast talab main hoon to kisi kay hurf dua main hoon
main naseeb hoon kisi aur ka mujhe mangta koi aur hai
meri roshni teray khad-o-khal say mukhtalif tu nahi magar
tu qareeb aa tujhe dekh loon tu wahi hay ya koi aur hai
tujhe dushmano ki khabar naa thi mujhe doston ka pata nahi
teri dastaan koi aur thi mera waqiyah koi aur hai
kabhi laut aain tu poochna nahi dekhna inahain ghor say
jinhain rastay main khabar howi keh yeh rasta koi aur hai
ho meri riyazaat neem shab ko saleem subah naa mil saki
tu phir is kay mayni tu yeh howe keh yahan khuda koi aur hai

Younhi besabab na phera karo,koi sham ghar bhi raha karo,
Woh ghazal ki sachi kitaab hai,usay chup k chup k parha karo,
Koi haath bhi na milayeyga,jo galay milo gay tapak say,
Yeh naye mizaj ka shahar hai,yahan faslay say mila karo,
Abhi rah main kaye mor hain,koi aye ga koi jaye ga,
Tumhay jis nay dil say bhula diay,usay bholnay ki dua karo,
Mujay ishtihaar c lagti hain,yeh muhabbatooon ki khanaiyan,
Jo kaha nahi woh suna karo,jo suna nahin woh kaha karo,
YEh khizaan ki zard c shaal main,jo udass ped k pass hai,
Yeh tumharay ghar ki bahar hai,isay anso'on say hara karo.

MERY DIL KI RAKH KURAID MAT USAY MUSKURA KE HAWA NA DAY.
YEH CHIRAG PHIR BHI CHIRAG HAIN,KAHIN TERA HATH JALA NA DAY..
NAYE DAUR KE NAYE KHUWAB HAIN,NAYE MUSAMOUN KE GULAB HAIN.
YE MUHABBATON KE CHIRAG HAIN,INHAY NAFRATOUN KI HAWA NA DAY..
ZARA DEKH CHAND KI PATIYAOUN NAY BIKHER BIKHER KE TAAMAM SHAB.
TERA NAAM LIKHA HAI RAIT PE,KOI LEHAR AKAY UN KO MITA NA DAY..
MAIN UDASIYAN NA SAJA SAKUN,KABHI JISM-O-JAAAN KE MAZAR PER.
NA DEYA JALAIN MERI AANKH MAIN, MUJHAY ETNI SAKHT SAZA NA DAY..
MARAY SATH CHALNAY KE SHAUQ MAIN, BARI DHOOP SER PE UTHAYE GA.
TERA NAK NAQSH HAY MOOM KA,KAHIN GHUM KI AAG GHULLA NA DAY..
MAIN GHAZAL KI SHABNAMI ANKH SE,YEH DUKHON K PHOOL CHUNA KAROUN.
MARI SALTANAT MERA FUN RAHAY,MUJHAY TAJ -O- TAKHT KHUDA NA DAY...

Na dushmani achi lagi na dosti achi lagi,
Hum ko tou us shakhs ki berukhi achi lagi
Log the is sheher ke saaray hi khush mizaaj,
Dil ko lekin aik teri sanjeedgi achi lagi
Main ne apnay rub say phir maanga usi ko umer bhar,
Jis ki aankho ki mujhe darya dili achi lagi
Bas ana pe naaz tha jis ko na shab bar so saka,
Lamha lamha uski barhti be basi achi lagi
chain aik pal main hi us ke bechar janay kay baad,
Mujh ko apnay hijr ki aik aik ghari achi lagi
Mere daman main raha kuch bhi nahi magar,
Woh rahay khush yeh soch kar zindagi achi lagi.

Meri Zindagi too faraaq hai,wo azal se dil main makee'n sahee
Wo nigaah_e_shauq se door hain,rag_e_jaa'n se laakh qaree'n sahee
Hamein jaan deni hai aik din,wo kisi tarah wo kahin sahee
Hamien aap khainchiye waar par,jo nahin koi tu hamee'n sahee
Sar_e_toor sar_e_hashr ho,hamein intezaar qabool hai
Wo kabhi milein,wo kahin milein,wo kabhi sahee,wo kahin sahee
Na ho un pe mera bass nahin, ke ye aashqi hai hiwas nahi
Main unhi ka tha, main unhi ka hoon,wo mere nahin,tu nahin sahee
Mujhe bhaithne ki jaga milay,meri aarzoo ka bharam rahay
Teri anjuman mein agar nahin,teri anjuman ke qaree'n sahee
Tera dar tu hum ko na mil saka, teri rahguzar ki zamee'n sahee
Hamein sajda karne se kaam hai, jo wahan nahin tu yahee'n sahee
Meri Zindagi ka naseeb hai, nahin door mujh se qareeb hai
Mujhe uska ghum tu naseeb hai, wo agar nahin tu nahin sahee
Jo ho faisla wo sunaayye,usse hashr par na uthaayye
Jo karein ge aap situm waha, wo abhi sahee,wo yahee'n sahee
Unhe dekhne ki jo lo lagi tu Qateel dekh hi lain gey hum
Wo hazaar aankh se door hoon, wo hazaar pardah nashee'n sahee
Qateel Shifai

Saman-e-tejarat ye mera imaan nahin hai
her darr pe jhuke sarr ye meri shaan nahi hai
harr lafz ko sino me basa lo to bane baat
taqon me sajane ke lye Quran nahin hai
Allah mere rizq ki barkat na chali jaye
Do roz se ghar me koi mehmaan nahin hai
Hum ne to banaye hain samunder me bhi raste
Yun hum ko mitana koi asaan nahin hai
Wo jisko buzurgon ki rewayat na rahe yad
Us shakhs ki logon koi pahchan nahin hai
Do chaar umidon ke diye ab bhi hain roshan
Maazi ki haweli abhi veeraan nahin hai
Majid Deobandi

Saman-e-tejarat ye mera imaan nahin hai
her darr pe jhuke sarr ye meri shaan nahi hai
harr lafz ko sino me basa lo to bane baat
taqon me sajane ke lye Quran nahin hai
Allah mere rizq ki barkat na chali jaye
Do roz se ghar me koi mehmaan nahin hai
Hum ne to banaye hain samunder me bhi raste
Yun hum ko mitana koi asaan nahin hai
Wo jisko buzurgon ki rewayat na rahe yad
Us shakhs ki logon koi pahchan nahin hai
Do chaar umidon ke diye ab bhi hain roshan
Maazi ki haweli abhi veeraan nahin hai
Majid Deobandi