Welcome To Urdu Shayari

Baat nikle gi to phir door talak jaye gi
log bewaja udasi ka sabab poochen ge
yeh bhi poochen ge ke tum itni pareshaan kyun ho
ungleyaan utthen gi sookhe howe baalon ke taraf
ik nazar jayegi  guzre howe saaloon ke taraf
choreyon pe bhe kayi tanz keye jayeen ge
kaampte hathoon pe bhe fiqrey kase jayen ge
loog zalim hen her baat ka tana den ge
batoon batoon me mera ziker bhe le aayen ge
un ki baton ka zara sa bhi asar mat lena
werna chehre ke taAsur se samjh jayeen ge
chahe kuch bhi ho savalaat na kerna un se
mere baare me koi baat na kerna un se
Kafeel Aazar

Baat Niklegi To Phir Live-Jagjit Singh

tuu paas bhii ho to dil beqaraar apnaa hai
ke ham ko teraa nahii.n intazaar apnaa hai
mile ko_ii bhii teraa zikr chhe.D dete hai.n
ke jaise saaraa jahaa.N raaz_daar apanaa hai
vo duur ho to bajaa tark-e-dostii kaa Khayaal
vo saamane ho to kab iKhtiyaar apanaa hai
zamaane bhar ke dukho.n ko lagaa liyaa dil se
is aasare pe ke ik Gam_gusaar apanaa hai
"Faraz" raahat-e-jaa.N bhii vahii hai kyaa kiije
vo jis ke haath se siinaa_fiGaar apanaa hai ...!!

Kuch na Kahne se bhi Chhin Jata Hai Ijaaz-e-Sukhan
Zulm Sahne se bhi Zaalim ki Madad Hoti Hai...........
------------------
Jinko suraj meri chaukhat se mila tha yaro,,
Ab wo khairat mein dete hain ujaale mujhko.
------------------
Dilon me farq pad jaye to itna yad rakhna tum
Dalilen, minnate aur falsafe bekar jate hain
***********************************
Yeh soch kar ke sayad khirki se jhank le wo...
Gali me kheltey bachche lara diye maine...!!
****************
aql walon ke nasibon me kahan zauq-e-junun
ishq wale hain jo sab kuch luta dete hain
******************
na jane kitne chraghon ko mil gyee shohrat
ek aftab ke be waqt doob jane se
*************
merey lafzon ki pehchan agar wo ker leta
usey mujh se nahi,khud se hi muhabbat ho jati!
*************
Kon Kehta Hy k Nafrato?n Main Dard Hy ?
Kuch Mohabbate?n Bhi Bari Aziyat-nak Hoti Hyn !!
************
Bin Maange He Mil Jaati Hain Tabeerain Kisi Ko
Koi Khaali Hath Reh Jaata Hai HAazaroon Duaaon K Baad .
************
Jiska tum puchte ho wo mar gaya ?FARAZ?,
Usko kisi ki yaad ne zinda jala diya???.
****************
Mili saza jo mujhe wo kisi khata pe na thi
Mujh pe jurm jo saabit howa wo wafaa ka tha
**************
Ungliyan aaj bhi is soch me ghum hai
Usnay kaisay naye haath ko thaama hoga
***************
Unglian toot gaen pather tarashte tarashte ?Faraz?!!
Aur jab bani soorat-e-yaar tu kharidar aa gaye..
****************
Ab Nend Se Kaho Hum Se Sulah Kar Le
Wo Dour Chala Gaya Hai Jis K Lie Hum Jaga Karty Thy.
**************
Ab maayos q ho us ki bewafai pe
tm khud hi to kehty thy k wo sab se juda hai
*************
kisi ke aik anso par hazaron dil tarapty hain
kisi ka umer bhar ka roona unhi bekaar jata hai
***************
Rasty ke jis diye ko samajhty thy hum haqeer
wo dia ghar tak pohonchny ka bahana ban gya
************
Ab jis k ji main aye wohi pa le roshni
humne to dil jala?ker sar-e-rah rakh dia
**************
Apni Nakaami ka EK Yeh Bhi Sabab Hai
Cheez Jo Mangte Hain Sb Se Juda Mangte Hain.
************
Dekha mujhe toh tarke taluk ke bawajood .
woh muskura diya yeh hunar bhi usi ka tha.,.
*************
Us Shaks Ko To Bichadeny Ka Saleka Nahi ” FARAZ”
Jatay Hoe Khud KO Mere Pass Chor Gaya .
*************
Na janE KaB Se Ho GayE ItNay ShiDDat PasaNd HaM ? FArAz !
JaB Tak ZakhaM Na KhAyEn tAssalEE nAhi hoTi ?
***************
Nazar bacha ke mere pas se guzarte hain
kise khabar thi k aise bhi fasle honge
**********
kisi se bhi dikhawe ki mohabbat hum nahi karte
hum ahle dil hain juzbon ki tijarat hum nahi karte
*********
Hans ke gham ko seh le gham ko mukaddar na bana,
dil ko to har haal mein dil rehne de, patthar na bana.
-------------------
Woh shaks meri laash pe aaya,na ro saka
usko mere sukoon ka kitna khayal tha
--------------------
Ya khuda log banaye the agar pathar ke
mere ehsaas ko sheesha na banaya hota
---------------------
purane zakhm bhar de mere maula
naye zakhmon ki gunjayesh to nikle
-----------------------  
Gham bayan karne ka koi aur dhang ejaz kar
Teri ankhon ka ye pani to purana ho gya..
Wasim Barelvi
------------------------
Zindagi Tujh Se Har Ek Saans Pe Samjhauta Karoon
Shauk Jeene Ka Hai Mujhko Magar Itna Toh Nahi
Muzaffar Warsi
-------------------
Ishq me ghairat-e-jazbat ne rone na deya
warna keya bat the jis bat ne rone na deya
aap kahte the k rone sey badle ge na naseeb
umar bhar aap ke is bat ne rone na deya
---------------
Na shikayatein na sawal hai, koi asra na malal hai
Teri brukhi bhi kamal thi, mera zabt bhi kamal hai
---------------
Main jhuka nahi, main bika nahi, kahin chup chupa ke khada nahi
jo date hue hain mohaaz par mujhe un safon me talash kar

zaKhm ko phuul to sar sar ko sabaa kahate hain
jaane kyaa daur hai kyaa log hain kyaa kahate hain
kyaa qayaamat hai ke jin ke liye ruk ruk ke chale
ab vahii log hamen aabalaapaa kahate hain
ko_ii batalaao ke ik umr kaa bichhaDaa mahabuub
ittefaaqan kahiin mil jaaye to kyaa kahate hain
ye bhii andaaz-e-suKhan hai ke jafaa ko terii
Gamzaa-o-ishvaa-o-andaaz-o-adaa kahate hain
jab talak duur hai tuu terii parastish kar len
ham jise chhuu na saken us ko Khudaa kahate hain
kyaa ta'ajjub hai ke ham ahl-e-tamannaa ko 'Faraaz'
vo jo maharuum-e-tamannaa hain buraa kahate hain

Mere hii lahuu par guzar auqaat karo ho
Mujh se hii amiiroN ki tarah baat karo ho
Din ek sitam,  ek sitam raat karo ho
Vo dost ho dushman ko biii jo maat karo ho
Ham khaak_nashiN tum suKhan aara ho sar-E-baam
Paas aake milo duur se kyaa baat karo ho
Ham ko jo milaa hai vo tumhiiN se to milaa hai
Ham aur bhulaa deN tumheN kyaa baat karo ho
YuuN to hameN muNh pher ke dekho bhi nahiN ho
Jab vaqt paRe hai to madaaraat karo ho
Daaman pe koii chiiNt na Khanjar pe koi daaGh
Tum qatl karo ho ke karaamaat karo ho
Bakne bhi do “Aajiz” ko jo bole hai bake hai
Diivaanaa hai diivaane se kyaa baat karo ho

ye tabiyat hai to Khud aazaar ban jaayenge ham
chaaraagar royenge aur Gham_Khaar ban jaayenge ham
ham sar-e-chaak-e-vafaa hain aur teraa dast-e-hunar
jo banaa degaa hamen ai yaar ban jaayenge ham
kyaa Khabar thi ai nigaar-e-sher tere ishq men
dil_baraan-e-shahar ke dil_daar ban jaayenge ham
saKht jaan hain par hamaarii ustavaarii par na jaa
aise TuuTenge teraa iqaraar ban jaayenge ham
aur kuchh din baiThane do kuu-e-jaanaaN men hamen
raftaa raftaa saayaa-e-divaar ban jaayenge ham
is qadar aasaaN na hogii har kisii se dostii
aashnaa_ii men teraa mayaar ban jaayenge ham
mir-o-Ghaalib kyaa ke ban paaye nahin faiz-o-firaaq
zam ye thaa ruumi-o-ataar ban jaayenge ham
dekhane men shaaKh-e-gul lagate hain lekin dekhanaa
dast-e-gul_chiin ke liye talvaar ban jaayenge ham
ham chiraaGon ko to taariikii se laDanaa hai 'Faraz'
gul hue par subah ke aasaar ban jaayenge ham

tere hote hue mahafil men jalaate hain chiraaGh
log kyaa saadaa hain suuraj ko dikhaate hain chiraaGh
apanii maharuumiyon pe sharmindaa hain
Khud nahiin rakhate to auron ke bujhaate hain chiraaGh
bastiyaaN chaaNd sitaaron pe basaane vaale
kurraa-e-arz bujhaate jaate hain chiraaGh
kyaa Khabar hai un ko ke daaman bhii bhaDak uThate hain
jo zamaane kii havaaon se bachaate hain chiraaGh
aisii taariikiiyaaN aaNkhon men basii hain 'Faraz'
raat to raat ham din ko jalaate hain chiraaGh