Welcome To Urdu Shayari

Is Zamanay Say Na Hum Koi Gilaa Rakhain Gain
Dil Lagayein Gain To Na Shart-E-Wafa Rakhain Gain
Na Dikhayain Gain Kabhi Dil Pe Lage Zakhm Unhain
Dard Uthay Ga Magar Dil Ko Daba Rakhain Gain
Jaan De Daingain Agar Aik Ishaara Kar De
Ham Usay Apne Liye Bhi Na Bacha Ke Rakhain Gain
Sab Hata Daingain Teri Raah Ki Rukawat Hamdam
Ghar Ke Darwazay Ko Har Waqt Khula Rakhain Gain
Unki Har Baat Ko Bhoolay Say Na Bhoolain Gain Kabhi
Unki Yadoon Ko Bhi Seenay Se Laga Rakhain Gain
Toot Bhi Jaayegi Umeed Jo Tere Aanay Ki
Ek Diya Phir Bhi Hawaaon Main Jala Rakhain Gain

Saman-e-tejarat ye mera imaan nahin hai
her darr pe jhuke sarr ye meri shaan nahi hai
harr lafz ko sino me basa lo to bane baat
taqon me sajane ke lye Quran nahin hai
Allah mere rizq ki barkat na chali jaye
Do roz se ghar me koi mehmaan nahin hai
Hum ne to banaye hain samunder me bhi raste
Yun hum ko mitana koi asaan nahin hai
Wo jisko buzurgon ki rewayat na rahe yad
Us shakhs ki logon koi pahchan nahin hai
Do chaar umidon ke diye ab bhi hain roshan
Maazi ki haweli abhi veeraan nahin hai
Majid Deobandi

Meri Zindagi too faraaq hai,wo azal se dil main makee'n sahee
Wo nigaah_e_shauq se door hain,rag_e_jaa'n se laakh qaree'n sahee
Hamein jaan deni hai aik din,wo kisi tarah wo kahin sahee
Hamien aap khainchiye waar par,jo nahin koi tu hamee'n sahee
Sar_e_toor sar_e_hashr ho,hamein intezaar qabool hai
Wo kabhi milein,wo kahin milein,wo kabhi sahee,wo kahin sahee
Na ho un pe mera bass nahin, ke ye aashqi hai hiwas nahi
Main unhi ka tha, main unhi ka hoon,wo mere nahin,tu nahin sahee
Mujhe bhaithne ki jaga milay,meri aarzoo ka bharam rahay
Teri anjuman mein agar nahin,teri anjuman ke qaree'n sahee
Tera dar tu hum ko na mil saka, teri rahguzar ki zamee'n sahee
Hamein sajda karne se kaam hai, jo wahan nahin tu yahee'n sahee
Meri Zindagi ka naseeb hai, nahin door mujh se qareeb hai
Mujhe uska ghum tu naseeb hai, wo agar nahin tu nahin sahee
Jo ho faisla wo sunaayye,usse hashr par na uthaayye
Jo karein ge aap situm waha, wo abhi sahee,wo yahee'n sahee
Unhe dekhne ki jo lo lagi tu Qateel dekh hi lain gey hum
Wo hazaar aankh se door hoon, wo hazaar pardah nashee'n sahee
Qateel Shifai

aata hay yaad mujhko guzra hua zamana
woh baagh ki baharein woh sabka chehchahana

aazadiyan kahan woh apnay ghoslay ki
apni khushi se aana apni khushi se jaana

lagti hay chot dil par aata hay yaad jis dam
shabnam kay aansuon par kaliyon ka muskurana

woh pyaari pyaari soorat woh kaamni si moorat
abaad jiskay dum say tha mera aashiyana

aati nahi sadaein uski mayray qafas mein
hoti mayri rihaai ay kaash mayray bus mein

kya badnaseeb hoon mayn ghar ko taras raha hoon
saathi to hain watan me mayn qaid mein parda hoon

aayi bahaar kaliyan phoolon kee hans rahi hain
mayn is andhayray ghar may qismat ko ro raha hoon

is qaid ka ilaahi dukhrda kisay sunao
dar hay yaheen qafas mein mayn gham say mar na jaon

jabse chaman chuta hay ye haal ho gaya hay
dil gham ko kha raha hay, gham dil ko kha raha hay

gaana isey samajh kar khush ho na sunne wale
dukhey hue dilon ki faryaad ye sada hay

azaad mujhko karday O qaid karnay walay
main bay-zabaan hoon qaidi tu chord kar dua lay

Allama Iqbal

apanii rusavaa_ii tere naam ka charchaa dekhuuN
ek zaraa sher kahuuN aur main kyaa kyaa dekhuuN
niind aa jaaye to kyaa mahafilen barpaa dekhuuN
aaNkh khul jaaye to tanhaa_ii kaa sahara dekhuuN
shaam bhii ho ga_ii dhundhalaa ga_ii aaNkhen bhii merii
bhuulanevaale main kab tak teraa rastaa dekhuuN
sab ziden us kii main puurii karuuN har baat sunuuN
ek bachche kii tarah se use haNstaa dekhuuN
mujh pe chhaa jaaye vo barasaat kii Khushbuu kii tarah
ang ang apanaa usii rut men mahakataa dekhuuN
tuu merii tarah se yaktaa hai magar mere habib
jii men aataa hai ko_ii aur bhii tujh saa dekhuuN
main ne jis lamhe ko puujaa hai use bas ek baar
Khvaab ban kar terii aaNkhon men utarataa dekhuuN
tuu meraa kuchh nahiin lagataa hai magar jaan-e-hayaat
jaane kyon tere liye dil ko dhaDakataa dekhuuN
Perveen Shakir

Suna hai log ussay aankh bhar ke dekhtay hain
So us ke shehar mein kuch din thehar ke dekhtay hain
Suna hai rabt hai us ko kharaab haloon se
So apne aap ko barbaad kar ke dekhtay hain
Suna hai dard ki ghaahak hai chashm-e-naaz us ki
So hum bhi us ki gali se guzar ke dekhtay hain
Suna hai us ko bhi hai shair-o-shaeri se shaguf
So hum bhi moujazzay apne hunar ke dekhtay hain
Suna hai bolay tu batoon se phool jhartay hain
Yeh baat hai tu chalo baat kar ke dekhtay hain
Suna hai raat ussay chaand takta rehta hai
Sitaaray baam-e-falak se uttar ke dekhtay hain
Suna hai din ko ussay titleyaan sataati hain
Suna hai raat ko jugnoo thehar ke dekhtay hain
Suna hai hashar hain us ki ghazaal si ankhain
Suna hai us ko hiran dasht bhar ke dekhtay hain
Suna hai raat se barh kar hain kaaklain us ki
Suna hai shaam ko saaye guzar ke dekhtay hain
Suna hai us ki seyaah chashmagi qayaamat hai
So us ki surma farosh aah bhar ke dekhtay hain
Suna hai us ke laboon se gulaab jaltay hain
So hum bahaar pe ilzaam dhar ke dekhtay hain
suna hai aaenaa tamsaal hai jabeen us ki
Jo saada dil hain ussay ban sanwar ke dekhtay hain
Suna hai jab se hamaayal hain us ki gardan mein
Mizaaj aur hi laalo-gohar ke dekhtay hain
Suna hai chashm-e-tassavur se dasht-e-imkaan mein
Pallang zaweyey us ki kamar ke dekhtay hain
Suna hai us ke badan ki taarash aisi hai
Ke phool apni qubaayain qattar ke dekhtay hain
Bas ek nigaah se lut'ta hai qaafila dil ka
So reharwaan-e-tamanna bhi dar ke dekhtay hain
Suna hai us ke shabistaan se muttasil hai behisht
Makeen idhar ke bhi jalway udhar ke bhi dekhtay hain
Rukay tu gardishain us ka tawwaaf karti hain
Chalay tu us ko zamaany thehar ke dekhtay hain
Ahmad Faraz
(rabt=closeness/relation)
(gaahak=customer)
(shagaf=passion)
(zaaviye=angles)
(Palang=panther, cheeta)
(sarv-qad=tall and graceful; shaguufe=bud; samar=fruit)
(rah_ravaaN=travellers)
(shabistan=bedroom; muttasil=near, attached; makiin=tenant)
(be-pairahan=without clothes)
(mubaalaGe=beyond one's limits)

us ne sukut-e-shab men bhi apna payaam rakh diya
hijr ki raat baam par maah-e-tamaam rakh diyaa
aamad-e-dost kii navid ku-e-vafaa men aam thi
main ne bhi ik chiraaG-saa dil sar-e-shaam rakh diyaa
dekho ye mere Khvaab the dekho ye mere zaKhm hain
main ne to sab hisaab-e-jaaN bar_sar-e-aam rakh diyaa
us ne nazar nazar men hi aise bhale suKhan kahe
main ne to us ke paaNon men saaraa kalaam rakh diyaa
shiddat-e-tishnagi men bhi Gairat-e-maikashi rahi
us ne jo pher li nazar main ne bhi jaam rakh diya
aur 'Faraz' chaahiiye kitanii muhabbaten tujhe
ke maaoN ne tere naam par bachchon ka naam rakh diyaa
Ahmad Faraz