Welcome To Urdu Shayari

tere aane ki jab Khabar mahke
tere Khushbu se sara ghar mahke
shaam mahke tere tasavvur se
shaam ke baad phir sahar mahke
raat bhar sochtaa raha tujh ko
zahan-o-dil mere raat bhar mahke
yaad aaye to dil munavvar ho
deed ho jaaye to nazar mahke
vo ghaDi do ghaDi jahaaN baiThe
vo zamin mahke vo shajar mahke
Nawaz Deobandi

mushkil hai ab shahar men nikle koi ghar se
dastaar pe baat aa gai hai hoti hui sar se
barsaa bhi to kis dasht ke befaiz badan par
ik umr mere khet the jis abr ko tarse
is baar jo indhan ke liye kaT ke giraa hai
chiDyon ko baDaa pyaar thaa us buDhe shajar se
mehnat meri aaNdhi se to mansoob nahi thi
rahnaa tha koi rabt shajar ka bhi samar se
Khud apne se milne kaa to yaraa na tha mujh men
main bhiD men gum ho gai tanhai ke Dar se
benaam musafat hi muqaddar hai to kyaa Gam
manzil kaa ta'yyun kabhi hotaa hai safar se
patthraya hai dil yuN ki koi ism paDhaa jaaye
ye shahar nikalta nahin jadu ke asar se
nikle hain to raste men kahin shaam bhi hogi
suraj bhi magar aayegaa is raah-guzar se
Parveen Shakir

Mujhay ab bhi mohabbat hai teray qadmon ki aahat say
teri har muskurahat say teri baaton ki khusbho say
teri aankhon k jadu say teri dilkash adaon say
teri qatil jafaon say mujhay ab bhi mohabbat hai
 
teri rahon main ruknay say teri palkon k jhuknay say
sehar o sham haton pay tera hi naam likhnay say
 
teray tesh o adawat say teri bey ja shikayat say
yahan tak k sanam meray teri har aik aadat say
 
mujhy ab bhi mohabbat hay.....

log TooT jaate hain ek ghar banane men
tum taras nahin khate bastiyaaN jalaane men
aur jaam TuuTe.nge is sharaab-Khaane men
mausamon ke aane men mausamon ke jaane men
har dhaDakte patthar ko log dil samajhte hain
umr biit jaati hai dil ko dil banaane men
faaKhta ki majburi ye bhi kah nahin sakti
kaun saaNp rakhta hai uske aashiyane men
dusari koi laDki zindagi men aayegi
kitni der lagti hai usko bhul jane men
Bashir Badr

ham un se agar mil baiThte hain kya dosh hamara hota hai
kuchh apni jasaarat hoti hai kuchh un ka ishara hota hai
kaTne lagi.n raate.n aa.Nkho.n me.n dekhaa nahi.n palko.n pe aksar
kabhi shaam-e-Garibaa.N ka jugnu kabhi subah ka tara hota hai
ham dil ko liye har des phire is jins kaa gaahak mil na sakaa
ai banjaaro ham log chale ham ko to Khasaaraa hotaa hai
ham apni zabaa.N se kuchh bhi kahe.n shaayar hai Khayalo.n se khele.n
aa jaao to baaham mil baiThe kabhi hijr bhi pyara hota hai
daftar se uThe kaife me.n gaye kuch sher kahe kuchh kaafi pi
puchhaa jo ma'ash kaa "Inshaajii" yuN apna guzara hota hai
Ibn-e-Insha

Nazar bacha ke mere pas se guzarte hain
kise khabar thi k aise bhi fasle honge
**********
kisi se bhi dikhawe ki mohabbat hum nahi karte
hum ahle dil hain juzbon ki tijarat hum nahi karte

yaa mujhe afsar-e-shaahaa na bnayaa hota
yaa meraa taaj gadaayaa na bnaayaa hota
Khaak_saarii ke liye garche bnayaa thaa mujhe
kaash Khaak-e-dar-e-jaanaa.N na bnayaa hota
nashaa-e-ishq kaa gar zarf diyaa thaa mujh ko
umr kaa tang na paimaanaa banaayaa hotaa
apnaa divanaa bnayaa mujhe hotaa tuune
kyo.n Khirad_mand banaayaa na banaayaa hotaa
sholaa-e-husn chaman me.n na dikhayaa us ne
varanaa bul_bul ko bhii paravaanaa banaayaa hotaa
roz-e-mamuuraa-e-duniyaa me.n Kharaabii hai 'Zafar'
aisi basti se to viraanaa bnayaa hota
Bahadur Shah Zafar