Welcome To Urdu Shayari

Tumhare shahar kaa mausam baDaa suhana lage
Main ek shaam churaa luN agar buraa na lage
Tumhare bas men agar ho to bhool jaao hamen
Tumhen bhulane men shaayad mujhe zamaana lage
Hamaare pyar se jalne lagi hai ye duniyaa
Duaa karo kisi dushman ki badduaa na lage
Na jaane kyaa hai us kii bebaak aaNkhon men
Vo muuNh chhupaa ke jaaye bhii to bewafaa na lage
Jo Duubanaa hai to itane sukun se Dubo
Ke aas paas ki laharon ko bhi pata na lage
Ho jis adaa se mere saath bevafaai kar
Ke tere baad mujhe koi bewafaa na lage
Vo phool jo mere daaman se ho gaye mansoob
Khudaa kare unhen baazaar ki havaa na lage
Tum aaNkh muund ke pi jaao zindagi 'Qaiser'
Ke ek ghuuNT men shaayad ye badmazaa na lage
Qaiser-ul-Jafri

kabhi yuN bhi aa meri aaNkh men ke meri nazar ko Khabar na ho
mujhe ek raat navaaz de magar uske baad sahar na ho
vo baDaa rahim-o-karim hai mujhe ye sifat bhi ataa kare
tujhe bhulne ki duaa karu.N to duaa me.n meri asar na ho
mere baazuo.n me.n thaki thaki, abhi mahv-e-Khaab hai chaaNdani
na uThe sitaaron ki paalki, abhi aahaTon kaa guzar na ho
ye Gazal ki jaise hiran ki aaNkhon me.n pichhli raat ki chaa.Ndani
na bujhe Kharaabe kii roshani, kabhi becharaaG ye ghar na ho
vo firaaq ho yaa visaal ho, teri yaad mahakegi ek din
vo gulaab ban ke khilegaa kyaa, jo chiraaG ban ke jalaa na ho
kabhi dhoop de, kabhi badaliyaa.N, dil-o-jaa.N se dono.n qubool hain
magar us nagar me.n na qaid kar jahaa.N zindagi ki havaa na ho
kabhi din ki dhoop me.n jhuum ke kabhi shab ke phool ko choom ke
yuN hi saath saath chale.n sadaa kabhi Khatm apnaa safar na ho
mere paas mere habib aa zaraa aur dil ke qariib aa
tujhe dhaDkano me.n basaa lu.N mai.n ke bichhaDne kaa kabhi Dar na ho
Bashir Badr
Listen this Ghazal Online
Kabhi yun bhi aa meri ankh me ke menri nazar ko khabar na ho

justaju khoye huon ki umr bhar karte rahe
chaaNd ke ham_raah ham har shab safar karte rahe
raaston kaa ilm thaa ham ko na simton ki Khabar
shahar-e-naamaalum ki chaahat magar karte rahe
ham ne Khud se bhi chhupayaa aur saare shahar se
tere jaane ki Khabar dar-o-divaar karte rahe
vo na aayegaa hamen maalum thaa us shaam bhi
intazaar us ka magar kuchh soch kar karte rahe
aaj aayaa hai hamen bhii un uDaanon kaa Khayaal
jin ko tere zaum men be-baal-o-par karate rahe
Perveen Shakir

Ankhoon Main Raha Dil Main Utar Kar Nahin Dekha.
Kashti K Musafir Nay Samandar Nahin Dekha.
Bay Waqt Agar Jaoonga Sab Chonk Pare Ge.
Ek Umar Huyee Din Main Kabhi Ghar Nahin Dekha
Jis Din Se Chala Hoon Meri Manzil Par Nazar Hai.
Ankhoon Ne Kabhi Mail Ka Patther Nahin Dekha...
Ye Phool Mujhe Koi Virasaat Main Mile Hain.
Tumne Mera Kantoon Bhara Bister Nahin Dekha.
Yaaroon Ki Mohabbat Ka Yakin Karliya Maine.
Pholoon Main Chupaya Hua Khanjar Nahin Dekha.
Mehboob Ka Ghar Ho Ya Buzurgoon Ki Zaminay.
Jo Choor Dia Phir Use Moor Kar Nahin Dekha.
Khat Asa Likha Hai K Nagine Se Jare Hain.
In Hatoon Ne Lakin Koi Zevar Nahin Dekha.
Patther Mujhay Kehta Hai Mera Chahne Wala.
Main Moum Hoon Usne Mujhe Choh Kar Nahin Dekha.
Wo Mere Masayeel Ko Samajh Hi Nahin Sakta.
Jis Ne Meri Ankhoon Main Samandar Nahin Dekha.

rukane kaa samay guzar gayaa hai
jaanaa teraa ab Thahar gayaa hai
ruKhsat kii ghaDii khaDii hai sar par
dil ko_ii do-niim kar gayaa hai
maatam kii fazaa hai shahar-e-dil men
mujh men ko_ii shaKhs mar gayaa hai
bujhane ko hai phir se chashm-e-nargis
phir Khvaab-e-sabaa bikhar gayaa hai
bas ik nigaah kii thii us ne
saaraa cheharaa nikhar gayaa hai

Aasman Ho Ga Sehar Ke Noor Se Aaeena Posh
Aur Zulmat Raat Ki Seemab Pa Ho Jaye Gi
Iss Qadar Ho Gi Tarannum Aafreen Baad-e-Bahar
Nukhat-e-Khawabeeda Ghunche Ki Nawa Ho Jaye Gi
Aa Milain Ge Seena Chakaan-e-Chaman Se Seena Chaak
Bazm-e-Gul Ki Hum-Nafas Baad-e-Saba Ho Jaye Gi
Shabnam Afshani Meri Paida Kare Gi Souz-o-Saaz
Iss Chamanki Har Kali Dard Ashna Ho Jaye Gi
Dekh Lo Ge Sitwat-e-Raftar-e-Darya Ka Ma’al
Mouj-e-Muztar  Hi Isse Zanjeer Pa Ho Jaye Gi
Phir Dilon Ko Yaad Aa Jaye Ga Paigham-e-Sujood
Phir Jabeen Khak-e-Haram Se Aashna Ho Jaye Gi
Nala-e-Sayyad Se Hon Ge Nawa Saman-e-Tayoor
Khoon-e-Gulcheen Se Kali Rangeen Qaba Ho Jaye Gi
Ankh Jo Kuch Dekhti Hai, Lab Pe Aa Sakta Nahin
Mehw-e-Hairat Hun Ke Dunya Kya Se Kya Ho Jaye Gi
Shab Gurezan Ho Gi Akhir Jalwa-e-Khursheed Se
Ye Chaman Maamoor Ho Ga Naghma-e-Touheed Se
Allama Iqbal

Dil se jo baat nikalti hai, asar rakhti hai,
Par nahin, taaqat-e-parwaaz magsr rakhti hai.
Qudsi-ul-asal hai, rif-atpe nazar rakhti hai,
Khaak se uthti hai, gardoon pe guzar rakhti hai.
Ishq tha fitna gar-o-sarkash-o-chalaak mira,
Aasman cheer gaya nala-e-bebaak mira.
_______________
Pir-e-gardoon ne kaha sun ke, kahin hai koi!
Bole sayyaare, sar-e-arsh-e-barin hai koi!
Chaand kahta tha, nahin, ahl-e-zamin hai koi!
Kahkashaan kahti thi, poshida yahin hai koi!
Kuchh jo samjha tau mere shikwe ko Ruzwan samjha,
Mujhe jannat se nikala hua insaan samjha.
_______________
Thi farishton ko bhi hairat, ke yeh aawaaz hai kya!
Arsh waalon pe bhi khulta nahin yeh raaz hai kya!
Taa sar-e-arsh bhi insaan ki tag-o-taaz hai kya?
Aa gai khak ki chutki ko bhi parwaaz hai kya?
Ghaafil aadaab se yeh sukkaam-e-zamin kaise hain,
Shokh-o-gustaakh yeh pasti ke makin kaise hain,
_______________
Is qadar shokh ke Allah se bhi barham hai,
Tha jo masjud-e-malaik yeh wohi Aadam hai?
Aalam-e kaif hai, dana-e-ramuz-e-kam hai,
Haan, magar ijaz ke asrar se namahram hai.
Naaz hai taaqat-e-guftaar pe insaanon ko,
Baat karne ka saliqa nahin nadaanon ko!
_______________
Aai aawaaz ghum-angez hai afsana tira,
Ashk-e-betaab se labrezhai paimana tira.
Shukr shikwe ko kiya husn-e-ada se tu ne,
Hum sakhun kar diyabandon ko khuda se tu ne.
Hum tau mayal ba-karam hai, koi sayal hi nahin,
Rah dikhlain kise rahraw-e-manzil hi nahin.
_______________
Tarbiat aam tau hai, jauhar-e-qabil hi nahin,
Jis se taamir ho aadam ki yeh who gil hi nahin.
Koi qabil ho tau hum shan-e-kai dete hain;
Dhoondne waalon ko duniya bhi nai dete hain!
Haath be-zor hain, ilhaad se dil khoo-gar hain,
Ummati baais-e-ruswai-e-paighamber hain.
_______________
But-shikan uth gaye, baaqi jo rahe but-gar hain,
Tha Brahim pidar, aur pisar Aazar hain.
Bada aasham naye baaqi naya khum bhi naye,
Harm-e-Kaaba naya, but bhi naye, tum bhi naye.
Who bhi din the ke yehi maya-e-raanai tha,
Naazish-e-mausim-e-gul lala-e-sahraai tha!
_______________
Jo Musalmaan tha Allah ka saudai tha,
Kabhi mehboob tumhara yehi harjaai tha.
Safah-e-dahar se baatil ko mitaya kis ne?
Nau-e-insaan ko ghulami se chhuraya kis ne?
Mere Kaabe ko jabeenon se basaya kis ne?
Mere Quran ko seenon se lagaya kis ne?
_______________
The tau aaba who tumhaare hi, magar tum kya ho?
Haath par haath dhare muntezir-e-farda ho!
Kya kaha? "bahr-e-musalmaan hai faqt waade-e-hur,"
Shikwa beja bhi kare koi tau laazim hai shaoor!
Adal hai faatir-e-hasti ka azal se dastur,
Muslim aaeen hua kafir tau mile hur-o-qasur;
_______________
Tum mein hooron ka koichahne wala hi nahin,
Jalwa-e-tur tau maujood hai, Moosa hi nahin.
Munfait ek hai is qaum ki, nuqsaan bhi ek,
Ek hi sab ka nabi, din bhi, imaan bhi ek,
Harm-e-paak bhi, Allah bhi, Quran bhi ek,
Kuchh bari baat thi hote jo musalmaan bhi ek!
_______________
Firqa bandi hai kahin, aur kahin zaaten hain.
Kya zamane mein panpaneki yehi baaten hain?
Jaa ke hote hain masaajid mein saf-aara tau gharib,
Zahmat-e-roza jo karte hain gawara tau gharib.
Naam leta hai agar koi hamara, tau gharib,
Pardah rakhta hao agar koi tumhara, tau gharib.
_______________
Umra nasha-e-daulat mein hain ghafil hum se,
Zinda hai millat-e-baiza ghurba ke dam se.
Shor hai ho gaye duniya se musalmaan naabood,
Hum yeh kahte hain ke the bhi kahin Muslim maujood?
Waza mein tum ho nisari, tau tamuddan mein Hanood,
Yeh musalmaan hain! Jinhen dekh ke sharmain Yahud?
_______________
Baap ka ilm na bete ko agar azbar ho,
Phir pisar qabil-e-miraas-e-pidar kyonkar ho!
Har koi mast-e-mai-e-zauq-e-tan aasaani hai,
Tum musalmaan ho? Yeh andaaz-e-musalmaani hai?
Chaahte sab hain ke hon auj-e-surayya pe muqeem,
Pahle waisa koi paida tau kare qalb-e-salim!
_______________
Ahd-e-nau barq hai, aatish zan-e-har khirman hai,
Aiman is se koi sahra no koi gulshan hai.
Is nai aag ka aqwaam-e-kuhan eendhan hai,
Millat-e-khatam-e-rasal shoula ba parahan hai.
Dekh kar range-e-chaman ho na pareshan maali,
Kookab-e-ghuncha se shaakhen hain chamakne wali,
_______________
Khas-o-khashaak se hota hai gulistan khaali,
Gul bar andaaz hai khun-e-shuhda ki laali.
Rang gardoon ka zara dekh tau unnabi hai,
Yeh nikalte hue suraj ki ufaq taabi hai.
Nakhl-e-Islam namoona hai bro-mandi ka,
Phal hai yeh sainkron saalon ki chaman bandi ka.
_______________
Qaafila ho na sakega kabhi weeran tera,
Ghair yak baang-e-dara kuchh nahin samaan tera.
Nakhl-e-shama asti-o-dar should dood resha-e-tu,
Aaqbat soz bood saya-e-andesha-e-tu.
Ki Mohammed se wafa tu ne tau hum tere hain,
Yeh jahan cheez hai kya, lauh-eo-qalam tere hain.
_______________
Allama Sir Mohammad Iqbal