Welcome To Urdu Shayari

Har waqt ka hasnaa tujhe barbaad na kar de, Tanhaayi ke lamhon mein kabhi ro bhi liya kar,
Aye dil! tujhe dushman ki bhi pehchaan kahan, Tu halqa-e-yaraan* mein bhi mohtaat* raha kar..
(halqa-e-yaraan;around friends, mohtaar;cautious)

saare jahaa.N se achhaa hindustaan hamaaraa
ham bulbule.n hai.n is ki ye gulistaa.N hamaaraa
Ghurbat me.n ho.n agar ham rahtaa hai dil vatan me.n
samajho vahi.n hamein bhi dil ho jahaa.N hamaaraa
parvat wo sab se uuNchaa ham_saayaa aasmaa.N kaa
wo santari hamaaraa wo paasabaa.N hamaaraa
godi me.n khelti hai.n is ki hazaaro.n nadiyaa.N
gulshan hai jin ke dam se rashk-e-janaa.N hamaaraa
ai aab-e-ruud-e-gangaa wo din hai yaad tujh ko
utraa tere kinaare jab kaarawaa.N hamaaraa
mazhab nahi.n sikhaataa aapas me.n bair rakhnaa
hindi hai.n ham watan hai hindustaa.N hamaaraa
yunaan-o-mishr-o-romaa sab miT gaye jahaa.N se
ab tak magar hai baaqi naam-o-nishaa.N hamaaraa
kuchh baat hai ki hasti miTti nahi.n hamaari
sadiyo rahaa hai dushman daur-e-zamaa.N hamaaraa
'Iqbal' ko_i maharam apnaa nahi.n jahaa.N me.n
maalum kyaa kisi ko dard-e-nihaa.N hamaaraa

pattaa-pattaa booTa booTa haal hamara jaane hai
jaane na jaane gul hi na jaane, baaGh to saara jaane hai
lagne na de bas ho to us ke gauhar-e-gosh ke baale tak
us ko falak chashm-e-mai-o-Khor ki titli kaa taara jaane hai
aage us mutaqabbar ke ham Khuda Khuda kiyaa karte hain
kab maujuud Khudaa ko vo maGhroor Khud-aara jaane hai
aashiq saa to saadaa koi aur na hoga duniyaa men
jii ke ziaan ko ishq men us ke apanaa vaaraa jaane hai
chaaraagarii bimaari-e-dil ki rasm-e-shahar-e-husn nahin
varnaa dilabar-e-naadaan bhi is dard kaa chaaraa jaane hai
kyaa hi shikaar-farebi par maGaruur hai vo sayyad bachchaa
ta'er u.Date havaa men saare apani usaaraa jaane hai
mehar-o-vafaa-o-lutf-o-inaayat ek se vaaqif in men nahin
aur to sab kuchh tanz-o-kanaayaa ramz-o-ishaaraa jaane hai
kyaa kyaa fitane sar par usake laataa hai maashuuq apanaa
jis bedil betaab-o-tavaan ko ishq kaa maaraa jaane hai
aashiq to murdaa hai hameshaa ji uThataa hai dekhe use
yaar ke aa jaane ko yakaayak umr do baaraa jaane hai
raKhanon se diwaar-e-chaman ke muunh ko le hai chhipaa ya'ani
un suraaKhon ke Tuk rahane ko sau kaa nazaaraa jaane hai
tashnaa-e-Khuun hai apanaa kitanaa 'Mir' bhi naadaan talKhikash
dam_daar aab-e-teG ko us ke aab-e-gavaaraa jaane hai