Welcome To Urdu Shayari

Bata Kiya Kya Tune Mere Liye

Mere Rab Ki Mujh Per Inayat Hui

Kahoon Bhi To Kese Ibadat Hui

Haqeqat Hoi Jese Mujh Per Ayaan

Qalam Ban Gya Hai Khuda Ki Zuban

Mukhatib Hai Banday Se Parwardigar

Tu Husn e Chaman Tu He Rang e Bahaar

Tu Miraj e Fun Tu He Fun Ka Singhar

Musavvir Hoon Mein Tu Mera Shahkaar

Ye Subhey Ye Shamey Ye Din Or Raat

Ye Rangeen Dilkash Haseen Kainat

Ke  Huroon Malaik O Jinnat Mein

Kiya Hai Tujhy Ashrafulmakhluqat

Meri Azmatoon Ka Hawala Hai Tu

Tu Hi Roshni Hai Ujala Hai Tu

Farishtoon Se Sajda Bhi Karwa Diya

Ke  Tere Liye Mein Ne Kiya Na Kia

Ye Dunai Jahaan Bazm Arayiaan

Ye Mehfil Ye Mele Ye Tanhayiaan

Falak Ka Tujhy Shamyana Dia

Zameen Per Tujhy Aabo – Daana Dia

Mile Aabsharoo Se Bhi Hoslen

Pahadoo Mein Tujh Ko Diye Rastay

Ye Pani Hawa Or Shams O Qamar

Ye Moj e Rawa Ye Kinara Bhanwar

Ye Shakhon Pey Ghunchay Chataktay Howey

Falak Pey Sitarey Chamaktay Howay

Ye Sabzay Ye Pholoon Bhari Kiyariyaan

Ye Panchi Ye Udti Hui Titliyaan

Ye Shola Ye Shabnam Ye Mitti Ye Sang

Ye Jharnon Kay Bajtay Hue Jal Tarang

Ye Jhilon Mein Haste Hue Se Kanwal

Ye Dharti Pey Mosam Ki Likhi Ghazal

Ye Sardi Ye Garmi Ye Barish Ye Dhoop

Ye Chehra Ye Qad Or Ye Rang o Roop

Darindoon Charindoon Pe Qaboon Diya

Tujhy Bhai De Kar Ke Bazoon Diya

Behan Di Tujhy Or Shareek e Safar

Ye Rishtay Ye Natay Ye Gharana Ye Ghar

Kay Aulaad Bhi Di …Diye Waledain

Alif Laam Meem Qaaf Or Aeen Gain

Ye Aqal o Zahanat Shaoor o Nazar

Ye Basti Ye Sehra Ye Khushki Ye Tar

Or Us Per Kitabain Hidayat Bhi Di

Nabi Bhi Utare Shariyat Bhi Di

Garaz Ke Sabhi Kuch Hai Tere Liye

Bta Kya Kiya Tune Mere Liye

Sitare Jo Damakte Hain
Kisi Ki Chashm-e-Hairan Mein

Mulaqaten Jo hoti Hain
Jamal-e-Abr-o-Baran Mein

Ye Na-Abad Waqton Mein
Dil-e-Nashad Mein Hogi

Mohabbat ab Nahin Hogi
Ye Kuchh Din Baad Mein Hogi

Guzar Jaenge Jab Ye Din
Ye Un Ki Yaad Mein Hogi

Qissay Meri Ulfat Ke Jo Marqoom Hain Saare
Aa Dekh Tere Naam Se Mosoom Hain Saare

Bus Is Liye Har Kaam Adhoora Hi Pada Hai
Khaadim Bhi Meri Qaum K Makhdoom Hain Saare

Ab kon Mere Paaon Ki Zanjeer Ko Kholay
Haakim Meri Basti Ke Bhi Mehkoom Hain Saare

Shayed Yeh Zarf Hai Jo Khamosh Hun Ab Tak
Warna To Tere Aeib Bhi Maloom Hain Saare

Sub Jurm Meri Zaat Se Mansoob Howy "Mohsin"
Kya Mere Siwa Shehar Mein Masoom Hain Saare

khvab ki tarah bikhar jaane ko ji chahta hai 
aisi tanhai ki mar jaane ko ji chahta hai 

ghar ki vahshat se larazta huun magar jaane kyuun 
shaam hoti hai to ghar jaane ko ji chahta hai 

Duub jaun to koi mauj nishan tak na batae 
aisi naddi men utar jaane ko ji chahta hai 

kabhi mil jaae to raste ki thakan jaag pade 
aisi manzil se guzar jaane ko ji chahta hai 

vahi paiman jo kabhi ji ko khush aaya tha bahut 
usi paiman se mukar jaane ko ji chahta hai 

koi ham-dam na rahA koi sahArA na rahA 
ham kisi ke na rahe koi hamArA na rahA 

shaam tanhAi ki hai aaegi manzil kaise 
jo mujhe raah dikhA de vahi taarA na rahA 

ai nazAro na hanso mil na sakungA tum se 
tum mire ho na sake main bhi tumhArA na rahA 

kyA batAun main kahAn yunhi chalA jaatA huun 
jo mujhe phir se bulA le vo ishAra na rahA 

Chalo ab aisa karte hain sitaarey baant lete hain.
Zarurat ke mutabiq hum saharey baant lete hain.

Mohabat karne walon ki tijaarat bhi anokhi hai,
Munaafa chhor detey hain khasaarey baant lete hain.

Agar milna nahin mumkin to Lehron per qadam rakh kar,
Abhi darya-e-ulfat ke kinaary baant lety hain.

Meri Jholi mein jitne bhi wafa ke phool hain unko,
Ikathay beth kar saare ke saare baant lete hain.

Mohabat ke ilawa pass apne kuchh nahin ab to 'FAIZ'
Isi daulat ko Hum qismat ke maarey bant lete hain.

ik lafz-e-mohabbat ka adna ye fasana hai
simTe to dil-e-ashiq phaile to zamana hai

ye kis ka tasavvur hai ye kis ka fasana hai
jo ashk hai ankhon men tasbih ka daana hai

dil sang-e-malamat ka har-chand nishana hai
dil phir bhi mira dil hai dil hi to zamana ha 

ham ishq ke maron ka itna hi fasana hai
rone ko nahin koi hansne ko zamana hai

vo aur vafa-dushman manenge na maana hai
sab dil ki shararat hai ankhon ka bahana hai

shair huun main shair huun mera hi zamana hai
fitrat mira aina qudrat mira shana hai

jo un pe guzarti hai kis ne use jaana hai
apni hi musibat hai apna hi fasana hai

kya husn ne samjha hai kya ishq ne jaana hai
ham khak-nashinon ki Thokar men zamana hai

aghaz-e-mohabbat hai aana hai na jaana hai
ashkon ki hukumat hai aahon ka zamana ha

ankhon men nami si hai chup chup se vo baiThe hai
nazuk si nigahon men nazuk sa fasana hai

ham dard-ba-dil nalan vo dast-ba-dil hairan
ai ishq to kya zalim tera hi zamana hai

ya vo the khafa ham se ya ham hain khafa un se
kal un ka zamana tha aaj apna zamana hai

ai ishq-e-junun-pesha haan ishq-e-junun-pesha
aaj ek sitamgar ko hans hans ke rulana hai

thoDi si ijazat bhi ai bazm-gah-e-hasti
aa nikle hain dam-bhar ko rona hai rulana hai

ye ishq nahin asan itna hi samajh liije
ik aag ka dariya hai aur Duub ke jaana hai

khud husn-o-shabab un ka kya kam hai raqib apna
jab dekhiye ab vo hain aina hai shana hai

tasvir ke do rukh hain jaan aur gham-e-janan
ik naqsh chhupana hai ik naqsh dikhana hai

ye husn-o-jamal un ka ye ishq-o-shabab apna
jiine ki tamanna hai marne ka zamana hai

mujh ko isi dhun men hai har lahza basar karna
ab aae vo ab aae lazim unhen aana hai

khuddari-o-mahrumi mahrumi-o-khuddari
ab dil ko khuda rakkhe ab dil ka zamana hai

ashkon ke tabassum men aahon ke tarannum men
maasum mohabbat ka maasum fasana hai

aansu to bahut se hain ankhon men 'jigar' lekin
bandh jaae so moti hai rah jaae so daana hai