Zulmat-e-shab ko sitaaron se sanwaara hum ne,
Kitni raton ko tujhe uth ke pukara hum ne,
Jab kabhi hath se umeed ka daaman choota,
Le liya aap ke daaman ka sahara hum ne,
Yoon to dunya bhi mukhaalif hai hamari warna,
Rukh badaltey huye dekha hai tumhara hum ne,
Hum zamaney se bhi takraa gaye teri khaatir,
Jo na karna tha kiya woh bhi ganwaara hum ne,
Ae Taqi, Gham nahin yeh jaan rahe ya na rahe,
Paa liya un nighaaon ka ishaara hum ne..