Welcome To Urdu Shayari

Baaton baaton main bicharnay ka ishaarah ker ke
Khud bhi wo roya bohat hum se kinaarah ker ke
Sochta rehta hun tanhai main anjaam-e-khaloos
Phir usi jurm-e-mohabbat ko dobaarah ker ke
Jagmaga di hain tere shehar ki galiyan main ne
Apnay her ik ashq ko palkon pe sitarah ker ke
Daikh laitay hain chalo hosla apnay dil ka
Aor kuch roaz teray saath guzaarah ker ke

ek muamma hai, samjhne ka na samjhaane ka
zindagi kahe ko, khawab hai dewaane ka...
zindagi bhi to pashemaa hai, yahan la ke mujhko
dhundati hai koi heela, mere mar jane ka...
tune dekha hai kabhi ghar ko badalte hue rang,
aao! dekho na tamasha mere gamkhane ka...
ab is daar pe leja ke sula de SAKI
yun behakna nahi achcha tere diwane ka...
dil se pahunchi to hai ankhon me lahu ki boonde
silsila milta to hai sheshe se paimaane ka....
har nafs umr guzshta ki hai mayyat fani,
zindagi naam hai mar mar ke jiye jane ka......

kuchh tabiyat hi mili thi aisi chain se  jine ki suurat na hui
jis ko chaahaa use apna na sake jo mila us se muhabbat na hui
jis se jab tak mile dil hi se mile dil jo badla to fasana badlaa
rasme duniya ki nibhane ke liye hamse rishto.n ki tijaarat na hui
door se tha vo kai cheharo.n me.n paas se koi bhi vaisa na lagaa
bevafaai bhi usi ka thaa chalan phir kisi se hi shikaayat na hui
vaqt rooThaa rahaa bachche ki tarah raah me.n koi khilaunaa na milaa
dosti bhi to nibhaai na gai dushmani me.n bhi adaavat na hui
Nida Fazli