aina kyu na dun k tamasha kahe jise
aisa kahan se laun k tujhsa kahe jise
hasrat ne la rakha teri bazm-e-khayal mein
guldasta-e-nigah suweda kahe jise
phunka hai kisne goshe muhabbat mein ai Khuda
afsun-e-intazar tamanna kahe jise
sar par hujum-e-dard-e-garibi se daliye
wo ek musht-e-khak k sahra kahe jise
hai chashm-e-tar mein hasrat-e-didar se nihan
shauq-e-inan gusekhta dariya kahe jise
darkar hai shiguftan-e-gul haye aish ko
subh-e-bahar panba-e-mina kahe jise
“ghalib” bura na man jo waiz bura kahe
aisa bhi koi hai k sab acha kahe jise
 

Writer