Iqbal Haider

Jab duniya ke but-khaano mein asnaam ki pooja jaari ho
Jab insaan ki azmat par ek pathar ka dam bhaari ho
Jab mann ki Jamna maeli ho aur rooh mein ek bezaari ho
Jab jhoot ke un bhagwaanon se imaan pe larza taari ho
Is haal mein hum deewaanon se tum kehte ho khaamosh raho

Jab masnad o mimbar pe baithi har ek nazar lalachati ho
Jab sirf dikhawe ki khaatir tasbih uthaayi jaati ho
Jab deen ke thekedaaron mein ek nafs-e-ammaara baaki ho
Be-zauq jahan pe sahiba ho, be-zauq jahan pe saaqi ho
Is haal mein hum deewaanon se tum kehte ho khaamosh raho

Jab ehl-e-khirad ki baaton par kuch jaahil shor machaate hon
Jab bulbul ho tasveer-e-chaman aur kawe geet sunaate hon
Jab chiriyon ke in ghoslon mein kuch saanp utaare jaate hon
Jab maali apne gulshan mein khud haath se aag lagaate hon
Is haal mein hum deewaanon se tum kehte ho khaamosh raho

Jab shaah ke ek ishaare par apnon mein niaazen bati hon
Jab aankhein gurbat maaron ki hasrat ka nazaara karti hon
Jab qalamen jaabir zaalim ki azmat ka qaseeda likhti hon
Jab haq ki baatein kehne pe insaan ki zubaanein katti hon
Is haal mein hum deewaanon se tum kehte ho khaamosh raho

Jab Misr ke un baazaaron mein Kin'aan ko becha jaata ho
Jab hirs o hawas ki mandi mein imaan ko becha jaata ho
Jab saum salaah ke parde mein Qur'an ko becha jaata ho
Jahan insaan ko becha jaata ho, Yazdaan ko becha jaata ho
Is haal mein hum deewaanon se tum kehte ho khaamosh raho

In andhe logon mein andhe eywaan ko izzat milti hai
Is haal mein kaise roshan se azhaan ko izzat milti hai
Yeh jahl nagar hai is mein to dhunwaan ko izzat milti hai
Mat soch ke aise aalam mein insaan ko izzat milti hai
Is haal mein hum deewaanon se tum kehte ho khaamosh raho

Yaan sooraj naam se nafrat hai sab raat ke hi gun gaate hain
Yaan raat pujaari zehnon par ek kaalik hi le aate hain
Yaan naam na le koi sooraj ka, ailan yahi ho jaate hain
Jo ek sharar ka maalik hai har jugnu ko dafnaate hain
Is daur mein hum deewaanon se tum kehte ho khaamosh raho

Yaan zindagi ke har goshe mein ek be-tarteeb tamasha hai
Har ek tamasha ke baahir is zaalim jahl ka haashiya hai
Tehzeeb-e-tasadum ke peeche ek jhoot ka dev taraasha hai
Insaan ke kaandhe pe dekho khud apna hi to laasha hai
Is daur mein hum deewaanon se tum kehte ho khaamosh raho

Jis daur mein Kaabe walon ko girja ke nazaare bhaate hon
Jis daur mein Mashriqi bhi Maghrib ke taraane gaate hon
Jis daur mein Muslim leader bhi kuch kehne se ghabraate hon
Jis daur mein subqat-e-ghairat ke asbaab adam ho jaate hon
Is daur mein hum deewaanon se tum kehte ho khaamosh raho

Hum ehl-e-haram hain ab hum se yeh kufr gawara kaise ho
Hum log "Anal-Haq" bolenge, hum log "Anal-Haq" bolenge

جب دنیا کے بت خانوں میں اصنام کی پوجا جاری ہو
جب انسان کی عظمت پر اک پتھر کا دم بھاری ہو
جب من کی جمنا میلی ہو اور روح میں اک بیزاری ہو
جب جھوٹ کے ان بھگوانوں سے ایمان پہ لرزہ طاری ہو
اس حال میں ہم دیوانوں سے تم کہتے ہو خاموش رہو

جب مسند و منبر پر بیٹھی ہر اک نظر للچاتی ہو
جب صرف دکھاوے کی خاطر تسبیح اٹھائی جاتی ہو
جب دین کے ٹھیکیداروں میں اک نفس امارہ باقی ہو
بے ذوق جہاں پر صہبا ہو بے ذوق جہاں پر ساقی ہو
اس حال میں ہم دیوانوں سے تم کہتے ہو خاموش رہو

جب اہلِ خرد کی باتوں پر کچھ جاہل شور مچاتے ہوں
جب بلبل ہو تصویرِ چمن اور کوے گیت سناتے ہوں
جب چڑیوں کے ان گھونسلوں میں کچھ سانپ اتارے جاتے ہوں
جب مالی اپنے گلشن میں خود ہاتھ سے آگ لگاتے ہوں
اس حال ہم دیوانوں سے تم کہتے ہو خاموش رہو

جب شاہ کے ایک اشارے پر اپنوں میں نیازیں بٹتی ہوں
جب آنکھیں غربت ماروں کی حسرت کا نظارہ کرتی ہوں
جب قلمیں جابر ظالم کی عظمت کا قصیدہ لکھتی ہوں
جب حق کی باتیں کہنے پہ انساں کی زبانیں کٹتی ہوں
اس حال میں ہم دیوانوں سے تم کہتے ہو خاموش رہو

جب مصر کے ان بازاروں میں، کنعان کو بیچا جاتا ہو
جب حرص و ہوس کی منڈی میں ایمان کو بیچا جاتا ہو
جب صوم صلوۃ کے پردے میں قرآن کو بیچا جاتا ہو
جہاں انسان کو بیچا جاتا ہو، یزدان کو بیچا جاتا ہو
اس حال میں ہم دیوانوں سے تم کہتے ہو خاموش رہو

ان اندھے لوگوں میں اندھے ایوان کو عزت ملتی ہے
اس حال میں کیسے روشن سے اذہان کو عزت ملتی ہے
یہ جہل نگر ہے اس میں تو دھنوان کو عزت ملتی ہے
مت سوچ کے ایسے عالم میں انسان کو عزت ملتی ہے
اس حال میں ہم دیوانوں سے تم کہتے ہو خاموش رہو

یاں سورج نام سے نفرت ہے سب رات کے ہی گن گاتے ہیں
یاں رات پجاری ذہنوں پر اک کالک ہی لے آتے ہیں
یاں نام نہ لے کوئی سورج کا اعلاں یہی ہو جاتے ہیں
جو اک شرر کا مالک ہے ہر جگنو کو دفناتے ہیں
اس دور میں ہم دیوانوں سے تم کہتے ہو خاموش رہو

یاں زندگی کے ہر گوشے میں اک بے ترتیب تماشہ ہے
ہر اک تماشہ کے باہر اس ظالم جہل کا حاشہ ہے
تہذیب تصادم کے پیچھے اک جھوٹ کا دیو تراشہ ہے
انسان کے کاندھے پر دیکھو خود اپنا ہی تو لاشہ ہے
اس دور میں ہم دیوانوں سے تم کہتے ہو خاموش رہو

جس دور میں کعبے والوں کو گِرجا کے نظارے بھاتے ہوں
جس دور میں مشرق والے بھی مغرب کے ترانے گاتے ہوں
جس دور میں مُسلم لیڈر بھی کچھ کہنے سے گھبراتے ہوں
جس دور میں سبقت غیرت کے اسباب عدم ہو جاتے ہوں
اس دور میں ہم دیوانوں سے تم کہتے ہو خاموش رہو

ہم اہل حرم ہیں اب ہم سے یہ کفر گوارہ کیسے ہو
ہم لوگ انالحق بولیں گے ہم لوگ انالحق بولیں گے

 

Iqbal Haider